قندوز شهری نینگ قطار یشاوچیلری حربی نقلیه واسطهلرنینگ تیزلیگیدن شکایت قیلیب ایتیشلریچه، حربی نقلیه واسطهلرنینگ تیزلیگی ایریم پیتلر ترافیکی حادثهلرگه سبب بولهدی.
قندز یشاوچیلری نینگ ایتیشیچه، اوشبو موضوع نی نیچه مرته امنیتی مسئوللر بیلن اورته گه قویگنلر، بیراق بو توغریده هیچقندی اقدام بولمهگن.
قندز یشاوچیلری گه کوره، بو شهرده هرکون حربی نقلیه واسطهلری نینگ تصادمی نتیجهسیده نیچه باله جان بیرهدی.
آتی فاش ایتیلیشی نی ایستمهگن قندوز ترافیک مدیریتی مسئوللریدن بیری نینگ سلاموطندارگه ایتیشیچه، ترافیکی حادثهلردن کوپینچهسی حربی نقلیه واسطهلری آرقلی صورت تاپهدی، مذکور هیداوچیلر قوراللری نینگ زوری بیلن دوسیهلری نینگ قید ایتیلیشی گه توسیق بولهدیلر.
قندوز ترافیک مدیریتی نینگ ترقتگن رقمی اساسیده، جاری ییل باشلنیشیدن حاضرگچه حربی نقلیه واسطهلری تامانیدن صورت تاپگن 16 ترافیکی حادثه قضیهسی قید ایتیلگن.
شو توغریده:
- کابل؛ عیاللر نقلیه واسطهلرده آزارلنهدیلر
مملکتده نقلیه واسطهلر کرایهسی آشگنی بارهسیدهگی تشویشلر
شونینگدیک قندز پولیس قومندانلیگی مسئوللری، حربی نقلیه واسطهلر تیزلیگی نی اهالی اوچون کتته قیینچلیک دیگنلر.
قندز پولیس قومندانی منظور استانکزی نینگ ایتیشیچه، حربی نقلیه واسطهلرنینگ تیزلیگی نی آلدینی آلیش اوچون بیر برنامه قولگه آلگنلر.
قندز ولایتی نینگ کوپینچه قوریلمهلری شهر ایچیده قرار تاپگن و کونده یوزدن آرتیق نقلیه واسطهلر شهر مرکزیدن اوتیب قیتهدی.
