هرات ولایتی‌ده «کتاب مشعل» نامی آستیده تورتینچی مرته کتاب کورگیزمه‌سی یولگه قوییلدی. هرات محلی رسمی‌لری‌نینگ ایتیشیچه، اوشبو کورگیزمه‌ده 50 مینگ جلددن آرتیق 35 عنوان کتاب کورستوگه قوییلگن.
اوشبو کورگیزمه بوگون «دوشنبه» هرات ولایتی‌نینگ مدنیت و معلومات ریاستی، ناشرلر جمغرمه‌سی و یازووچیلر تامانیدن یولگه قوییلگن.
هرات والیسی محمد آصف رحیمی‌نینگ، اوشبو کورگیزمه آچیلیش مراسمی‌ده ایتیشیچه، کتاب اوقیش مدنیتی انترنت کیلگنی‌دن بویان کمه‌یگن؛ بیراق بونده‌ی بیر کورگیزمه‌لر یولگه قوییلگن صورتده، جامعه‌ده کتاب اوقیش مدنیتی رواجلنه‌دی.
هرات ولایتی مدنیت و معلومات ریاستی باشلیغی آریا رؤوفیان، اوشبو کورگزمه‌نی اوتمیش‌لرده‌گی کورگیزمه‌لرگه قره‌گنده فرقلی بیلیب ایتیشیچه، بو کورگزمه‌ده، افغانستان ناشرلری تامانیدن یقین‌ده چاپ ایتیلگن کمیده بیر مینگ کتاب کورگیزمه‌گه قوییلگن.
هرات یشاوچیلری اوشبو اون کونلیک کورگزمه‌نی خوش قرشی‌لب ایتیشیچه، کتاب اوقیش مدنیتی رواجلنیشی خصوصیده‌گی بیرینچی یول، کتاب کورگیزمه‌لری یولگه قوییلیشی دیر.
