هرات ولایتی‌نینگ محلی بنلد مرتبه‌لی رسمیلری مذکور ولایت‌نینگ تورت ولسوال‌لیگی‌ده تورت ییریک زراعتی لایحه باشلنگنی‌دن خبر بیرماقده‌لر. مذکور لایحه‌لر ایکینچی‌لیک رواجله‌نیشی اوچون گذره، انجیل، زنده‌جان و کرخ ولسوال‌لیکلری‌ده تطبیق ایتیله‌دی.
مذکور لایحه‌لر آچیلیش مراسمی‌ده سوزله‌گن ولایت والیسی محمد آصف رحیمی‌نینگ سوزلریگه کوره، تاووغچی‌لیک و لبنیات‌دن عبارت بولگن بیرینچی لایحه اوچون 3 میلیون دالر سرمایه یاتقیزیشی انابت‌گه آلینگن.
جناب رحیمی، مذکور برنامه‌لر قوشمه شکلده دولت اداره‌لری تامانیدن عملی ایتیله‌دی دیگن.
جناب رحیمی، بو لایحه قیشلاق‌لر و ایکینچی‌لیکنی رواجلنتیریش اساسی برنامه‌لریدن بولیب، اوتگن نیچه ییل جریانیده توغری شکلده قیشلاق‌لر و ایکینچی‌لیکنی کوچلنتیریش اوچون ایجابی تاثیری بولگن.
هرات ولایت والیسی محمد‌آصف رحیمی، مذکور برنامه‌لر ننگرهار، بدخشان و بلخ ولایت‌لری‌نینگ ایکینچی‌لرینی اقتصادی وضعیتی یخشی له‌نیشی اوچون ایجابی تاثیر قویگن لیگینی ایتگن‌لر.
جناب رحیمی، اوشبو برنامه‌لر عمل‌گه آشیریلیشی بیلن اهالی گه ایش زمینه‌سی یره تیب بیریله‌دی. شونینگ‌دیک بو لایحه‌لر خلق اقتصادی یخشی له‌نیشی اوچون تاثیری ییریک دیر.
ایکینچی لایحه هرات‌ده «بیابان زدایی» دیر. مذکور طرح‌نینگ خرجتی چمه‌سی بیر میلیون دالرگه ییته‌دی.
هرات ولایت والیسی‌گه کوره، اوشبو طرح‌گه کهسان ولسوال‌لیگی‌نینگ ایریم بولیم‌لری، غوریان و زنده‌جان و فراه ولایتی‌نینگ لاش و جوین ولسوال‌لیک‌لری شامل دیر. شونینگ‌دیک مذکور لایحه‌ده مینگلب جریب اوتلاقنی قرنطین قیلیش، میوه‌لی باغ‌لر قوریش، دهقانچی‌لیک اسکونه‌لرنی ترقه‌تیش و دهقانلر آگاه‌لیگینی یوقاری کوتاریش‌دن عبارت دیر.
انه شبو مناسبت اوچون هرات ولایتی مخدر ماده‌لرگه قرشی کوره‌شیش اداره‌سیده اوتکزیلگن ییغین‌ده سوزله‌گن محمد آصف رحیمی مذکور لایحه‌نینگ اصلی محوری چول‌لرنی کینگیشی آلدینی آلیشدیر. اونگه کوره، اوشبو برنامه‌ده مینگلب جریب ییرنی قرنطین قیلیش، زعفران ایکیلگن ییرلرنی کینگیتیریش، چارواچیلیکنی کوچلنتیریش و حرفه‌یی اورگه‌تیش دن عبارت.
رحیمی، مذکور لایحه‌نینگ بیرینچی فازی بوندن نیچه وقت آلدین کهسان ولسوال‌لیگی‌ده عمل‌گه آشیریلگن دیگن. اونگه کوره، مذکور لایحه اساسیده ییتی مینگ کهتار ییر قاپلنه‌دی.
شونینگ‌دیک اهالی همکارلیگی بیلن اوتلاق‌لرنی محافظت قیلیش و آلتی مینگ کهتار ییرده تورلی ایکین‌لرنی ایکیش مذکور برنامه‌نینگ بیر بوله‌گی سنه‌له‌دی.
عین‌حالده، ولایت مخدر ماده‌لرگه قرشی کوره‌ش اداره‌سی نینگ رییسی غلام جیلانی دقیق‌نینگ سوزلریگه کوره، مذکور برنامه‌نینگ امتیازی‌دن هرات ولسوال‌لیکلری‌نینگ 66 قیشلاق اهالیسی فایده‌لنه‌دی.
بو طرح‌نینگ عمل‌گه آشیریلیشی ایکی ییل زمان‌نی آلیب، ییتی مینگ هکتار ییرنی قاپلیدی. شونینگ‌دیک مخدرماده‌لرنینگ 52 ضرری باره‌سیده آگاه‌لیک بیریش، ایکینچی‌لیک لایحه‌لر، مخدر ماده‌لر آلدینی آلیش اوچون خاتین‌لرگه حرفه‌یی لایحه اورگه تیش، قشاق‌لیکنی کمیتیریش، ایکینچی‌لیک ییرلرنی کوپیتریش، چارواچیلیکنی رواجلنتیریش و یشش محیط‌گه یاردم بیریش‌دن عبارت ایکنی ایتیله‌دی.
