هرات پولیس قومندانلیگی، جنایی جرملر اینیقسه قوراللی اوغیرلاوچیلیک‌لرنی آلدی آلینیشی اوچون بوگوندن باشلب مذکور شهرده ایرکک‌لر یوز و باشلرینی رومال و پتو بیلن یاشیریشلرینی منع اعلان قیلدی.
هرات پولیسی سوزلاوچیسی عبدالاحد ولی‌زاده نینگ ایتیشیچه، اوشبو ولایتده ایرکک‌لر یوز و باشلرینی رومال و پتو بیلن یاشیریشلرینی اهالی آره‌سیده قورقینچ ایجاد قیلگن و بوندن سونگ، شهرده ایرکک‌لر یوز و باشلرینی یاشیریب یوره آلمه‌یدی.
ولی‌زاده نینگ ایتیشیچه، پولیس تیکشیروولریگه کوره، جنایتچی‌لردن بیرقطاری جنایی جرملرنی عمل‌گه آشیریش و بوزغونچیلیک ایشلریده یوز و باشلرینی یاشیره‌دیلر.
اونگه کوره، هرات پولیس قومندانلیگی مذکور ولایت نینگ بوتون امنیتی حوزه‌لریگه یوز و باشلرینی یاشیریب قوراللی اوغیرلاوچیلیک و باشقه جنایی جرملرگه قول اورماقچی بولگن کیشی‌لرنی قولگه آلیب و جدی شکلده جزالنتیریشلری توغریسیده بویروغ بیرگن.
شونینگدیک، هرات پولیس قومندانلیگی سوزلاوچیسی نینگ کوپه‌یتیریشیچه، بیر کون جریانیده قوراللی اوغیرلاوچیلیک‌لرگه علاقه‌دار و بی‌باش بولگن کمیده 100 کیشی قولگه آلینگن.
