.jpg)
بوگون «دوشنبه» هرات ولایتیده نماینده‌لر کینگشی سیلاوی‌نینگ اعتراضچی نامزدلریدن اونلرچه‌سی بیر ییرده توپله‌نیب و ناراضیلیک بیر ییغینده سیلاولر شکایت‌لرینی تینگلش کمیسیونی تامانیدن سیلاولر شکایت‌لری تیکشیریلمه‌گنیدن تنقید قیلگن‌لر.
اوشبو اعتراضچی نامزدلرنینگ آگاه‌لنتیریشیچه، باشقه اوچ کونگچه اعتراضچی نامزدلر تامانیدن رویخط‌گه بیریلگن شکایت‌لر تیکشیریلمه‌گن صورتده، هرات ولایتیده سیلاولر ایرکین کمیسیونی و سیلاولر شکایت‌لرینی تینگلش کمیسیونی‌نینگ ولایتی دفترلرینی باغله‌یدیلر.
اعتراضچی نامزدلرگه کوره، نماینده‌لرکینگشی سیلاویده کوپینچه ساخته کارلیک و سیلاو جرایمی یوز بیرگن.
بایومتریک ایتلمه‌گن آوازلرنینگ بیکار اعلان ایتیلیشی، آوازلرنینگ قیته‌دن سنه‌لیشی و ساخته کارلیک قیلگن کیشی‌لرنینگ محکمه تانیتیلیشی اعتراضچی نامزدلرنینگ اساسی ایستک‌لریدن دیر.
.jpg)
هرات ولایتی بویچه سیلاولر شکایت‌لرینی تینگلش کمیسیون باشلیغی فرشته محب‌نینگ ایتیشیچه، بو توغریده تیکشیریش‌لرنی دوامی بار و کیله‌جک نیچه کون گچه ایجابی نتیجه قولگه کیله‌دی.
بیراق خانم محب نینگ ایتیشیچه، هرات ولایتی آوازلرینی قیته‌دن سنه‌لیشی خصوصیده قرار قیلیش اولرنی صلاحیت دن ایمس و سیلاولر ایرکین کمیسیونی‌نینگ بو توغریده قرار قیلیشی کیره‌ک.
بو توغریده هرات ولایتی بوییچه سیلاولر ایرکین کمیسیونی مسووللری‌نینگ فکرینی آلیش اوچون سعی و حرکت قیلدیک؛ بیراق موفق بولمه‌دیک.
