دوشنبه31- حمل هرات شهری‌نینگ اونلرچه صنعت‌کار و سرمایه‌دارلری دولت‌نینگ بولردن حمایت قیلمه‌گن‌لیگی دلیل ییغین اوتکزیشلری بیلن اگر حکومت ایسته‌گیمیزگه توجه قیلمه‌گن صورتده اوز سرمایه‌میزدی اولکه‌دن آلیب چیقیشه‌میز دیب هشدار بیردیلر.
مذکور اعتراض‌چیلر هرات صنعتی شهرچه‌سی نینگ کیریش ایشیگی‌ده ییغیلیب، حکومت‌نی توجه قیلمه‌گن‌لیک‌که متهم قیلیب ایتیشلریچه، دولت سرمایه توکیش‌دن حمایت قیلیش یانیده سرمایه‌لرنی قاچیشگه سبب بوله‌دی.
هرات صنعتچیلر اتحادیه‌سی‌نینگ باشلیغی حمیدالله خادم‌نینگ ایتیشیچه، تورت ییل‌دن بویان هرات صنعت‌چیلری ولایت صنعتی شهرچه‌سی‌نینگ تورتینچی فازیدن ییر آلیش اوچون اینتیق لیک بیلن کوتیب تورگن ایدیلر، اما حاضر ایسه افغانستان سرمایه توکیش بولیمی‌نی حمایت قیله‌دیگن اداره( آیسا) مذکور شهرچه تورتینچی فاز ی‌ده‌گی ییر هر بیرجریبی‌نی 30 منگ دالرگه ساتیش تصمیمی‌نی آلگن.
جناب خادم‌گه کوره، سرمایه دارلرنی حکومت حمایت قیلمه گن حالده، بولر سرمایه توکیش شرایطی مناسب بولگن منطقه‌ده باریشلری کیره‌ک. اونینگ ایتیشیچه، سرمایه دارلردن کوپی‌سی حمایت بولمه‌گن‌لیک‌لری وحکومت‌نینگ فرق‌سیز یاندشگن‌لیگی دلیل اولکه‌دن تشقریده سرمایه‌لرینی آلیب کیتگن‌لر، باشقه سرمایه دارلرهم افغانستان‌نی ترک قیلماقده‌لر.
هرات صنعتچیلر اتحادیه‌سی‌نینگ باشلیغی کوپه‌یتریشیچه، منطقه و قوشنی اولکه‌لردن کوپی‌سی افغانستان حاضرگی وضعیتی‌گه قره‌گنده، افغان سرمایه یاتقیزووچی‌لریگه مذکور اوکله‌لرده ایش زمینه‌سی‌نی یره‌تگن.
خادم‌گه کوره، تورت ییل آلدین صنعتچیلر شهرچه‌سی‌نینگ تورتینچی فازیدن بیرنمره ییرنی 165 مینگ افغانی بیریب آلگن ایدیلر، اما تورت ییل اوتیشی بیلن، حاضر آیسا هر نمره ییر اوچون 30 منگ دالر توله‌شلرینی سوره‌گن، مساله سرمایه‌دارلر اوچون ممکن سیز بولگن.
او، مذکور شهرچه تورتینچی فاز موقعیتی ده‌گی ییرلر تیزلیک‌ده مستحق بولگن سرمایه دارلرگه توزیع بولمه گونگه قدر، هرات برچه صنعت‌چیلری شرکت‌لری نینگ ایشیگی و هرات- قندهار یولینی بند قیله‌میز دیب هشدار بیره‌دی.
شونینگ‌دیک هرات ده‌گی افغانستان سرمایه یاتقیزووچی‌لردن حمایت قیله‌دیگن اداره( آیسا) باشلیغی ستار الکوزی نینگ ایتیشیچه، صنعتچیلر شهرچه‌سی‌نینگ تورتینچی فازی سوداگرلر اوچون تیکین ترقه تیله‌دی، اما هرنمره اوچون آلینه‌دیگن 30 مینگ دالر شهرچه زیربناسی‌نی توزه‌تیش، اینیقسه شهرچه تورتینچی فازی اوچون آلینه‌دی.
هرات آیسا دفتری‌نینگ باشلیغی‌گه کوره، صنعتی شهرچه بیرینچی، ایکینچی و اوچینچی فازلری‌نینگ زیربناسی معیاری شکلی‌ده توزه تیلمه‌گن و مذکور پول صنعتی پارک‌نی معیاری توزه‌تیش اوچون آلینه‌دی.
هردایم هرات صنعت‌چیلری حکومت‌نی سرمایه یاتقیزوچی‌لردن حمایت قیلمه‌گن‌لیک‌که متهم قیلردیلر، اما کورینیشیچه، انتقادلرگه یول بیریلمه‌دی.
