هرات مدنی فعاللری و ساغلیک مسئوللری نینگ اورغولشیچه، کرونا ویروس نینگ ایکینچی تولقینی کینگهیشی بیلن، هییت کونلریده بو ویروس گه چلینگنلر سانی کوپهیشی ممکن.
هرات ساغلیک مسئوللری نینگ ایتیشلریچه، حاضرگی وضعیت گه قرهگنده اهالی ساغلیک توصیهلرگه توجه قیلمهیدی و سونگی هفتهلرده توی سالونلری، کافیشاپلر، گیم نتلر و حماملر گه اوخشهگن عمومی ییرلر اهالی نینگ یوزیگه آچیلگن. اولرنینگ اورغولشیچه، اهالی داکترلرنینگ توصیهلریگه دقت قیلمهگن صورتده، کتته بیر فاجعه یوزبیریشی ممکن.
هرات ساغلیک ریاست باشلیغی عبدالحکیم تمنا نینگ اورغولشیچه، عمومی ییرلر آچیلیشی و هییت کونلریده کیلیب-کیتیش کرونا ویروس نینگ ایکینچی تولقینی خوفی نینگ کوپهیتیرهدی.
هرات ساغلیک ریاست باشلیغی گه کوره، بو ولایتده حاضرگچه کرونا ویروس گه شبههلی 22 مینگ واقعه تیکشیریلگن کیم بولردن، 5 مینگ و 482 تهسی ایجابی انیقلنگن.
جناب تمنا نینگ کوپهیتیریشیچه، قربان هییتی ییتیب کیلیشی بیلن ایران نینگ مشهد شهری گه رواجلنگن کرونا ویروس نینگ ایکینچی تولقینی مهاجرلر آرقهلی بو ولایتده کیلیشی ممکن.
تمنا نینگ ایتیشیچه، ساغلیک تیکشیروولری اساسیده ایکینچی تولقین گه ییگیتلر و نهایتده بو کسللیک نی اوتکزگن کیشیلر هم قیتهدن چلینیشی ممکن.
هرات ساغلیک مسئوللری کرونا ویروس نینگ ایکینچی تولقینی نی آلدینی آلیش اوچون اهالیدن اویده قالیب و ساغلیک توصیهلرگه عمل قیلیشلرینی سورهگن.
