هرات شهردارلیگی بوگون (دوشنبه) ولایت تیاتر بناسینی ویران قیلدی
ولایت شهرداری فرهادنیایش‌نینگ سلام وطندارگه ایتیشیچه، هرات شهری برنامه‌سیده سابق فرقه‌دن باشلنیب گل‌لر چوکیگه قدر دوامی بولگن شهرنینگ اصلی جاده‌سی کینگیتیریلشی کیره‌ک و انه شو سبب ولایتده‌گی تیاتر بناسی ویران ایتیلگن.
ایتیلیشیچه، هرات تیاتر بناسی‌نینگ بیر قسمی شهر خیابانی‌گه تیگیشلی واونینگ بیر بولیمی تجاری مکان‌گه ایلنتیریله‌دی.
شهردارلیک اداره‌سی تامانیدن تیاتر بناسی ویران ایتیلیشی آرتیدن ولایت صنعت‌چیلر ویران ایتیلگن بنا برابریده توپله‌نیب، مذکور ولایت تیاترهنری اولیمی‌گه یاش توککن‌لر.
مذکور صنعت‌چیلر حکومت‌نی هنر و صنعتچی‌لرگه «مهرسیزلیگی» باره‌سیده ایتیشیچه، مذکور بنا ویران ایتیلیشی بیلن هرات‌نینگ 90 ییل‌لیک هنری اورته‌دن کیتیشی ممکن.
هرات اخبارات ومدنیت ریاستی تیاتر بولیمی‌نینگ مسؤولی فریدون فکورینینگ سوزلریگه کوره، هرات تیاتری «طالبانی قیلیمش» و «صنعت‌چیلر اویی نابود» ایتلیشی طالب‌لر زمانیده هرات سینماسی و شهردارلیک تامانیدن تیاتر ویران ایتیلگنی ایکی سیز بیر- بیریگه اوخشش مدنیت‌گه قرشی حرکت دیر.
هرات تیاتر مسؤولی شهر خیابانی کینگیتیریلیشی‌نی خوش قرشیلیب، اما حکومت هرات تیاتر بناسی اوچون باشقه بیر مناسب مکان نظرده توتیشی کیره‌ک دیگن.
شونینگ‌دیک هرات تیاتر اویین‌چیلری، صنعت‌چیلر مملکت فرهنگی‌نی سقلاوچی‌لر دیر سینما و تیاتر اورته‌دن کوتاریلیشی بیلن فرهنگ هم نابود ایتیلیش‌نی ایتگن‌لر.
شونینگ‌دیک بولر حکومت‌دن تیاتر هنری اوچون ینگی بیر بنا بیریش‌نی سوره‌گن‌لر. اما، ولایت اخبارات ومدنیت ریاستی‌نینگ مسوول‌لریگه کوره، ولایت تیاتر بناسینی ینگی‌دن قوریب بیریلیشی اوچون مذکور اداره اختیاریده ییترلی بودجه یوق.
هرات اطلاعات وفرهنگ اداره‌سی‌نینگ رییسی آریا رؤوفیان، ولایت تیاتر سالونی ویران ایتیلیشی‌نی ییریک بیر یوقاتیش دیب، هرات تیاتر بناسی بیر قرن تاریخ‌گه ایگه بولگن لیگینی ایتگن.
افغانستان حکومتی بوندن آلدین هم مملکت‌نینگ اولگن سینمالریدن بیری کابل شهریده جایلشگن بهارستان سینماسینی ویران ایتگن ایدی.
