هرات باشقرلاوچیلیک اداره رسمیلری تامانیدن، ولایت تورمه سیدهگی محبوسلردن بیری اوز اتاقیده اوزینی آسگنلیگی ایتیلهدی.
هرات باشقرلاوچیلیک اداره باشلیغی گلاحمد رامش نینگ سلاموطندارگه ایتیشیچه، اوز ایناغهسینی اولدیریب محبوس بولگن شخص عبدالقیوم ناملی ایکن.
جناب رامشنینگ ایتیشیچه، عبدالقیوم ایکی ییل آلدین هرات شیندند تومنیده اوز ایناغهسینی اولدیریشیگه عیبلهنیب 12 ییل محبوسگه محکوم بولگن ایکن.
هرات باشقرلاوچیلیک اداره باشلیغیگه کوره، بو حبسگه آلینگن شخص قیدیدن ایکی ییلینی تورمه گه اوتکزگن.
رامشنینگ کوپهیتریشیچه، ایکی کون آلدین تورمه رسمیلریدن انفرادی اتاققه اوتکزیلیشینی ایسته گن عبدالقیوم، انفرادی اتاققه انتقال بیریلیشی بیلن اوتگن جمعه رومالی بیلن اوزینی آسیب حیاتیگه نقطه قویگن.
هرات شهری باشقرلاوچیلیک ادارهسی حادثهنی روحی کسللیک باعث روی بیرگن دیب بیلهدی. اونگه کوره، ایکی ییلدن بویان محبوس بولگن شخص اوچون عایله اعضاسیدن کیشی کیلمهگنلیگی دلیل روحی کسللیکگه یولیقگن ایکن.
بوبارهده هرات تورمهسی مسؤوللری معلومات بیریشگه حاضر بولهگن.
بو شوپیتده بولگن که هرات تورمه سیدهگی محبوسلر اوتمیش بیرییل مابینیده دوسیه لریگه ایتیشیلمه گنلیگی و عدلی و قضایی نهادلرده اداری فساد موجدلیگی دلیل نیچه مرته آوقتلنمسلیکگه کیلیشگنلر.
شوحاضرهرات تورمهلریده 200 عیال قوشیمچه 3 مینگ محبوس موجودلیگی ایتیلهدی.
