هرات ولایتی معارف مسؤوللری‌نینگ ایتیشیچه، اوشبو ولایت مکتب‌لری اوچون تورت مینگ اوقیتووچی‌گه احتیاجی بار، بیراق معارف وزیرلیگی یالغیز 1500 قراردادی اوقیتووچی اوچون بودجه اجره‌تگن.
هرات ولایتی معارف باشلیغی عبدالرازق احمدی‌نینگ آگاه‌لنتیریشیچه، ییترلیچه اوقیتووچی ایش‌گه آلینمه‌گن صورتده، کمیده 150مینگ اوقووچی درس‌دن محروم بولیب و مکتب‌لرنینگ ایشیک‌لری یاپیلیشی ممکن.
معارف وزیرلیگی سوزلاوچیسی کبیر حقمل‌نینگ ایتیشیچه، بو قیینچیلیک یالغیز هرات‌ده ایمس؛ بلکیم مالی قیین‌چیلیک‌لر باعث، باشقه ولایت‌لرده هم قراردادی اوقیتووچیلرنینگ سانی کمه‌یتیریله‌دی.
شونینگدیک، اوتگن هفته ادرسکن تومنی‌نینگ ولسوالی محمد مودود چشتی، مذکور تومن مکتب‌لریدن 28 ته‌سی اوقیتووچی یوقلیگی باعث، یاپیلیشی توغریسیده اگاه‌لنتیرگن بیرچاغده، قراردادی اوقیتووچی‌لر تعیین اییتلیشی خصوصیده بولگن کم‌چیلیک‌لر توغریسیده خواطرلر کوپه‌یگن.
