سلام‌وطندارگه صحبت بیرگن پشتون زرغون تومن ولسوالی اسدالله نورزایی‌نینگ ایتیشیچه، اوتگن کیچه ساعت 10 اطرافیده، طالبلرنینگ شیندند تومنیدگی قیزیل قطعه اعضالریدن 300 ته‌سی، آغیر قوراللربیلن پشتون زرغون تومنی‌نینگ دشت‌نیزان منطقه‌سیدگی مردمی کوچلرنینگ پوسته‌سی‌گه هجوم اویشتیرگن.
زرغون پشتون ولسوالی‌گه کوره، بو حادثه‌ده مردمی کوچلردن 9 کیشی هلاک، بیر عسکر یره‌لنگن و باشقه بیرعسکر توتقونگه آلینگن.
اونینگ کوپه‌یتیریشیچه، طالبلرنینگ قیزیل قطعه‌سی نیزان قیشلاغی‌نینگ یقیندگی «لنگر» قیشلاغیده توخته‌گن و اولر تومن بناسی‌نینگ یقینلیگیده قرار تاپگن.
عین حالده، هرات حاکمی سوزلاوچیسی جیلانی فرهادنینگ ایتیشیچه، اوتگن کیچه هجومی‌ده 7 عسکر هلاک و باشقه 2 عسکر درک‌سیز دیر.
هرات حاکمی سوزلاوچیسی‌نینگ کوپه‌یتیریشیچه، درک‌سیز عسکرلرنی تاپیب و حادثه‌نی قندی‌لیگی توغریسیده تدقیقات‌لر باشلنگن.
طالبلر حاضرگچه بو توغریده میدیالرگه هیچ نرسه دیمه‌گن.
