افغانستان غربی‌ده جایلشگن هرات ولایتی والیسی‌نینگ سوزلاووچیسی جیلانی فرهاد، ولایت‌نینگ ادرسکن تومنیده بیر قیز، آنه‌سی و خاله‌سی آتیب اولدیریلگنی حقیده خبر بیردی.
حادثه نینگ سببی هنوزگچه انیق لنمه‌گن دیدی سوزلاووچی. جیلانی فرهاد، بو خصوصیده تیرگاو باشلنگن دیگن.
هرات والیسی نینگ سوزلاووچیسی، دستلبکی تیکشیروولرگه قره‌گنده، مذکور شخصلر عایله‌وی زوروانلیک نینگ قربانی بولگن بولیشی امکاندن اوزاق ایمس دیگن.
هنوزگچه اوشبو اوچ شخص کیم تامانیدن اولدیریلگن لیگی انیق ایمس. لیکن، حادثه‌ده قولی بارلیک‌که گمان قیلیب پولیس 11 نفرنی حبس‌گه آلگن لیگی ایتیله‌دی.
شونینگدیک قولگه آلینگنلر اوستیدن تیرگاو باشلگن لیگی باره‌سیده تاکید قیلگن سوزلاووچی. تیکشیروونینگ نتیجه‌سی ییتکرمه‌لر بیلن شریک قیلینه‌دی دیگن جیلانی فرهاد.
