هرات ولایتی، ولایت کینگشی اعضالری سونگی ایکّی آی ایچی‌ده ولایت‌ده خوف‌سیزلیک تامین‌لنگنی‌دن خبربیرگن‌لر.
هرات ولایت کینگشی‌نینگ رییسی کامران عالی‌زایی نینگ بوگون شنبه حوت آیی نینگ 23 – بیر خبری ییغین‌ده ایتیشیچه، بوندن تورت بیش آی آلدین هر کون هرات بیر واقعه‌نینگ گواهی بولردی؛ اما، سونگی ایکّی آی جریانی‌ده بو وضعیت اوزگرگن.
جناب علی‌زایی نینگ ایتیشیچه، ولایت امنیه قوماندانی اوزگریشی بیلن اوتگن ایکّی آی‌ده سکیز کیشی‌لیک بیر آدم اوغیرلاوچی گروه، 15 قاچاقچی، 21 قورال‌لی اوغری، آلتی قاتل و ایکّی ترورچی اوشلب آلینگن.
علی‌زایی، اوشبو جریان‌ده طالب‌لرنینگ تَنیقلی قوماندان‌لری‌دن قاری سمیع هم اولدیریلگن‌لیگی‌نی ایتگن. شونینگدیک او، سونگی ایکّی آی جریانی‌ده اوروش جهازری و یول چیتی‌گه اورنه تیله‌دیگن ماین‌لر پولیس آرقه‌لی کشف ایتیلگن.
عین‌حالده، هرات ولایت کینگشی‌نینگ اعضاسی محمد مهدی حدید، امینی کوچ‌لرنینگ فعالیت‌لری‌نی آلقیش‌لب ایتیشیچه، خوف‌سیزلیک بیلباغ‌لرده پولیس تیکشیریش‌نی جدی لشتیرگن.
اهالی راضی‌لیگی
هراتلیک‌لر هم ولایت امنیتی تامین ایتیلگن‌لیگی‌دن راضی‌لر. اولرنینگ سلام وطندارگه خبر قیلیشلریچه، رسمی‌لر امنیت اوچون بوندن هم کوره جدی بولیش‌لری درکار.
هرات یشاووچی‌سی سمیه ولی‌زاده‌نینگ ایتیشیچه، امنیتنی تامین‌لنگن‌لیگی وقتینچه‌لیک بولمس‌لیگی کیره‌ک. ولایت‌نینگ خوف‌سیزلیگی دایمی برقرارله‌نیشی لازم.
هرات‌لیک باشقه بیر یشاووچی وحیده صمد قلم گه کوره، سونگی وقت‌لرگه قره‌گن‌ده حاضر ایریم جرم‌لر، جمله‌دن ترور حادثه‌لری کمیگن.
شونینگدیک هراتلیک‌لردن باشقه بیری غلام سرور، حاضرگی امنیت‌دن راضی‌لیک بیلدیرگن، بونده‌ی وضعیت دوام تارتیشی‌نی سوره‌گن.
عین‌حالده، هرات امنیه قوماندان‌لیگی‌نینگ سوزلاووچی‌سی عبدالرووف احمدی‌نینگ سلاو وطندارگه بیلدیریشیچه، سونگی وقت‌لرده ولایت‌نینگ امنیتی یخشی‌لشگن. اونگه کوره، سونگی ایکّی آی ایچی‌ده نابرقرارلیک‌لرده قولی بولگن 20 نفر اوشلب آلینگن.
بوندن ایکّی آی آلدین هرات‌ده نابرقرارلیک‌لر میزانی آشگنی سبب ولایت اهالی‌سی ییریک نمایش‌لر یولگه قویگن ایدی‌لر. اوشبو نمایش‌لر آرتی‌دن ولایت‌نینگ امنیه قوماندانی ایش‌د‌ن آلیبنیب اورنی‌گه ینگی کیشی تعین ایتیلدی.
