.jpg)
نماینده‌لر کینگشی و تومن‌لر کینگشی سیلاولری اوچون آواز بیرووچیلرنی رویخط‌گه آلیش لایحه رسمی شکلده مملکت بویلب باشلنگنیدن 8 کون بولدی. بیرینچی کونلرده آواز بیرووچیلرنی رویخط‌گه آلیش مرکزلرده اهالی حضوری کم‌لیگی توغریسیده خواطرلر توغیلدی؛ بو بولیم‌ده سیلاولر کمیسیونی ناکام‌لیککه عیب‌لندی و قطار کیشی‌لر بونده‌ی وضعیت‌ده سیلاولر یولگه قوییلیشی‌نی امکان سیز دیگن ایدیلر. بیراق، زمان اوتیشی بیلن ایریم ولایت‌لرده وضعیت یخشی بولیب و اهالی آواز بیریش اوچون رویخط‌گه آلیش‌گه قیزیققن‌لر.
هرات
ثور آیی‌نینگ بیرینچی کونیده هرات ولایتی آواز بیرووچیلرنی رویخط‌گه آلیش مرکزلرده دییرلی شکلده عیاللر حضوری گه گواه بولگن.
بوگون سلام وطندارگه صحبت بیرگن هرات ولایتیده سیلاولر کمیسیونی‌نینگ ولایتی دفتری باشلیغی داوود صدیقزاده‌نینگ ایتیشیچه، اوشبو ولایتده کونسایین آواز بیرووچیلرنی رویخط‌گه آلیش اینیقسه عیاللرنینگ رقمی کوپه‌یماقده. جناب صدیقزاده، رویخط‌گه آلینگن‌لرنینگ دقیق رقمی توغریسیده معلومات بیرمه‌دی. بیراق ایتیشیچه، رویخط‌گه آلینگن‌لردن 40% عیاللر دیر.
هرات ولایتیده سیلاولر ایرکین کمیسیونی‌نینگ ولایتی دفتری باشلیغی گه کوره، اوشبو ولایتده آواز بیرووچیلرنی رویخط‌گه آلیش 462 مرکز موجود، بیراق اوشبو مرکزلردن بیرقطاری، شیندند، گران و ادرسکن تومن‌لریده طالب‌‍لرنینگ تهدیدی آستیده بولگن.
.jpg)
بامیان
شونینگدیک، بامیان ولایتیده رویخط‌گه آلینیش اوچون عیاللرنینگ حضوری یخشی دیر. مذکور ولایتده سیلاولر ایرکین کمیسیونی‌نینگ ولایتی دفتری باشلیغی علی‌شاه مصباح‌نینگ ایتیشیچه، اوتگن 8 کونده اوشبو مرکزلرده چمه‌سی 7 مینگ کیشی رویخط‌گه آلینگن و بو رقم‌دن 40% عیاللر تشکیل بیره‌دی.
جناب مصباح گه کوره، بیرینچی کونلرده رویخط‌گه آلینیش مرکزلرده اهالی حضوری آز ایدی، بیراق سونگی کونلرده اهالی گروهی شکلده کیلیب آت‌لرینی رویخط‌گه بیره‌دیلر.
فراه
بیراق، فراه ولایتیده کیله‌جک سیلاوده پاکستان اره‌لشووی توغریسیده سوز اورته‌گه چیققن. اوشبو ولایت حاکمی عبدالبصیر سالنگی‌نینگ ایتیشیچه، اسلام‌آباد سیلاو لایحه‌سینی برهم اوروش اوچون سعی و حرکت قیله‌دی. او، اهالی‌دن بو اره‌لشووگه قرشی توریب و تیزلیک‌‌ده سیلاو اوچون آت‌لرینی رویخط‌گه بیریش‌لرینی سوره‌دی. مذکور ولایتده رویخط‌گه آلینگن‌لردن دقیق رقم بیریلمه‌گن.
.jpg)
لوگر
لوگر ولایتی‌نینگ ایریم بولیم‌لریده طالب‌لر کینگ شکلده فعالیت قیله‌دی. بیراق اوشبو ولایت محلی رسمی‌لری‌نینگ ایتیشیچه، بوتون لوگرده آواز بیرووچیلرنی رویخط‌گه آلیش مرکزلر فعال دیر. لوگر حاکمی انورخان اسحاقزی، اوشبو ولایت‌نینگ آواز بیریش شرایطی‌گه ماس بوتون اهالیسی‌دن سیلاولرده اشتراک قیلیش اوچون آواز بیریش کیم‌لیک قولگه کیریتیش‌لرینی طلب قیلدی.
شونینگدیک، اوشبو ولایت پولیس قومندانی عصمت‌الله علیزایی، هر تامانلمه خوفسیزلیک تأمین لنیشیدن خبر بیریب ایتیشیچه، اهالی تینچلیک ده سیلاولرده اشتراک قیله آله‌دی.
غزنی
بیراق، غزنی ولایتیده وضعیت بیر آز فرقلی دیر. بوگون مذکور ولایت یشاوچیلریدن اونلرچه‌سی سیلاولر کمیسیونی‌نینگ دفتری اونگیده توپله‌نیب و سیلاولر حوزه‌یی شکلده یولگه قوییلیشی‌نی سوره‌گن‌لر. برچه تومن‌لرده رویخط‌گه آلینیش مرکزلر آچیلیشی و بو مرکزلرنینگ ایشلاوچیلری ترکیبی عدالت‌لی بولیشی اعتراضچیلرنینگ باشقه ایستک‌لریدن بولگن. اولرنینگ آگاه‌لنتیریشیچه، ایستک‌لریگه دقت قیلینمه‌گن صورتده، سیلاولرده اشتراک قیلمه‌یدیلر.
بو توغریده غزنی ولایتی‌نینگ سیلاولر کمیسیونی فکرینی اورگه‌نیش اوچون علاقه قوردیک، بیراق کوپینچه سعی و حرکت بیلن مؤفق بولمه‌دیک.
افغانستان سیلاولر ایرکین کمیسیونی‌نینگ اعلامیه‌سی اساسیده، نماینده‌لر کینگشی و تومن‌لر کینگشی سیلاولری، کمیده اوچ ییل آرتده قالدیریلیب جاری ییل، 28- میزان ده یولگه قوییلیشی قرار قیلینگن. افغانستان اساسی قانونی اساسیده، نماینده‌لر کینگشی سیلاوی، قویاش 1394- ییل، ثور یا-ده جوزا آیی‌ده یولگه قوییلیشی کیره‌ک ایدی. بیراق، دولت تعیین ایتیلگن زمانیده سیلاونی یولگه قویه آلمه‌دی.
