هرات پولیس قوماندان‌لیگی نینگ سوزلاووچی‌سی عبدالرووف احمدی‌نینگ سلام وطندارگه ایتیشیچه، هرات‌نینگ قدیمی ییرلریدن سنلمیش «باره» تاریخی آبده‌سی نینگ دیواری نوره‌شی عاقبتی‌ده آلتی کیشی حیاتدن کوز یومگن.
احمدی‌گه کوره، «باره» تاریخی آبده‌سی نینگ دیواری هرات شهری سلطان آقا منطقه سیده جایلیشگن. دیوار آستی‌گه قالگن‌لر همه‌سی یولاووچی‌لر بولگنی ایتیله دی.
عین حالده، هرات ساغلیق‌نی سقلش اداره‌سی نینگ سوزلاووچی‌سی محمد رفیق شیرزی، حادثه ییریدن بیش جسد آلیب کیلینگن لیگینی تیل‌گه آلگن.
اما، محل یشاووچیلری حادثه‌ده اوندن آرتیق انسان توپراق آستیده قالگن لیگینی ادعا قیلگن‌لر. لیکن بو ادعا امنیتی مسووللر تامانیدن رد ایتیلگن.
باشقه تاماندن ولایت‌نینگ اخبارات و مدنیت رییسی آریا رووفیان‌گه کوره، بو دیوار هرات‌نینگ تاریخی آبده لردن سنله‌دی. مذکور تاریخی دیوارنینگ نوره‌گنیگه بیرینچی سبب سوننگی ییل‌لرده اوشبو دیوار طبیعی حاثده‌لر باعث ویرانه‌گه ایلنگن لیگی ایتیله‌دی.
انه شو مساله سبب بو دیوارنینگ کته قسمی بوگون قوله‌گن. عین‌حالده، محل یشاووچیلری مذکور حادثه‌ده اوندن آرتیق انسان توپراق آستیده قالگن‌لیگینی ادعا قیلگن‌لر. ولایت اخبارات و مدنیت اداره‌سی رییسی حادثه ییریگه قوتقروو گروه یوباریلگن‌لیگینی ایتگن.
بوندن بیر آی آلدین هم مذکور ولایت‌ده بیر دیوارنی نوره‌شی نتیجه‌سیده بیر عایله‌نینگ اعضاسی حیاتدن کوز یومیب و باشقه اوچ اعضاسی یره‌لنگن ایدی.
