اوتگن ییلگه قره‌گنده، هرات ولایتیده اوزینی آسیب اولدیریش قضیه‌سی 50 % کوپه‌یگن. ولایت حوزه‌یی کسلخانه‌سی رسمیلری نینگ ایتیشیچه، اوزینی آسیب اولدیریشگه قول اوره دیگنلردن کوپیسی یاش ییگیتلر بولگن.
مذکور کسلخانه سوزلاوچیسی محمدرفیق شیرزی نینگ ایتیشیچه، جاری ییل 10 آیده هراتده 14 کیشی اوزینی آسگنلیگی ایتیلماقده. بوسانگه قره‌گنده اوتگن ییل نینگ اون آییده 7 کیشی اوزینی آسگنلیگی رویخط‌گه آلینگن ایدی.
هرات یشاوچیلری ایش زمینه‌سی یره‌تیلمه گنلیگی و عایله‌وی خشونتلر یاشلرنی خودکشلیک قیلیشگه زورله‌یدی.
هرات بیلیم یورتی جامعه بوییچه اوقیتوچیسی علی‌احمد کاوه نینگ سلام‌وطندارگه ایتیشیچه، اوشبو ولایت اوقیتوچیلری تامانیدن اوتکزیلگن تیکشیروونی کورسه‌تیشیچه، اوزینی آسیب اولدیریشلر کوپراق دلیلی ایش سیزلیک، سیوگیسی‌گه ایتالمه‌گن‌لیگی و عایله‌وی قیینچی‌لیکلردن کیلیب چیقه‌دی.
جناب کاوه نینگ کوپه‌یتیرشیچه، خودکشلیک آلدینی آلیش حکومت نینگ بیرینچیدن یاشلرگه ایش زمینه‌سینی یره‌تیش و شونگه قوشیمچه خلقنی خبردار قیلیشی لازم.
هرات محلی رسمیلری نینگ ایتیشیچه، خودکشلیک کوپه‌یگن دلیلینی تاپیش اوچون بیرکمیته ایجاد قیلیب اونگه یره‌شه لایحه‌لر قول اوستیگه آلیب مذکور پدیده آلدینی آلیشگه کوره شه‌دیلر.
