بوگون «شنبه، 3- حمل» 1398- تعلیمی ییل باشله‌نیش مراسمی‌ده هرات، غور و پروان ولایت‌لری نینگ محلی مسؤوللری، مذکور ولایت‌لرده معارف وضعیتی یامانلیگی‌دن تنقید قیلگن‌لر.
اوشبو مسؤوللرنینگ ایتیشیچه، بو ولایت‌لرنینگ کوپینچه منطقه‌لریده باله‌لر ناتینچلیک، زوروانلرنینگ دخالتی، اوقیتووچی‌لر مسلکی بولمه‌گنی و عایله‌لرنینگ دقت‌سیزلیگی باعث، مکتب باریش دن محروم قالگن‌لر و باشقه منطقه‌لرده اورگتیش و تربیه‌لشنی وضعیتی یخشی ایمس دیر.
غور حاکمی غلام ناصر خاضع، اورگتیش و تربیه‌لش صفتی قویی بولگنی، اوقیتووچی‌لر و اوقووچی‌لرنینگ حضورسیزلیگی و شونینگدیک، عایله‌لرنینگ بی‌فرق یانده‌شیشلریدن تنقید قیلیب ایتیشیچه، مذکور ولایت نینگ معارف ریاستینی ایشلریدن راضی ایمس دیر.
باشقه تاماندن، پروان معارف ریاستینی باشلیغی عبدالظهور حکیم، مذکور ولایت نینگ معارف ایشلریده زوروانلرنینگ دخالت‌لریدن تنقید قیلیب ایتیشیچه، ینگی تعلیمی ییل‌ده اهالی همکارلیگی بیلن زوروانلرنینگ ناقانونی دخالت‌لریگه توسیق بولیش اوچون سعی و حرکت قیله‌دی.
شونینگدیک، هرات معارف ریاستینی باشلیغی روح‌الله زاهد، مذکور ولایتده مکتب شرایطی گه ماس 300 مینگ باله مکتب دن محروم قالگنیدن خبر بیریب ایتیشیچه، باله‌لرنی مکتب گه جذب قیلیش اوچون ایکی هفته‌دن بویان دولتی و غیردولتی اداره‌لرنینگ همکارلیگی‌ده کمپاین یولگه قویگنلر.
ایتیش کیره‌ک کیم، ینگی تعلیمی ییل بوگون «شنبه، 3- حمل» مملکت بویلب بوتون ولایت‌لرده خاص مراسم‌لر آرقه‌لی باشلندی.
