ناتو ده آمریکا دایمی نماینده‌سی کی بلی هاچسون نینگ ایتیشیچه، افغانستان ینه‌ده ترورچی‌لرنینگ تینچ اویه‌سیگه اوزگریشی و آمریکا و بیرلشیک‌لری نینگ خوفسیزلیگی تهدید بولیشی گه آمریکا رخصت بیرمه‌یدی.
اونینگ ایتیشیچه، آمریکا و ناتو بیرلیکده افغانستان کیتگن و شرایط اساسیده بیرلیکده بو مملکت‌دن چیقیشی ممکن.
خانم هاچسون اورغولب ایتیشیچه، افغانستان تینچلیک‌که ایریشگونگه قدر آمریکا و ناتو مذکور مملکت یشاوچی‌لری و امنیتی کوچ‌لریدن مدافعه قیله‌دی.
هاچسون نینگ کوپه‌یتیریشیچه، ناتو و آمریکا افغانستان قیین‌چیلیگی حل ایتیلیشی اوچون سیاسی بیر کیلیشوو نی ییچیم یول بیله‌دی و حاضر ۴۰ ییل‌لیک اوروش نی یکونلنتیرش اوچون حکومت و طالبان بیر کیلیشووگه قول تاپیش زمانی کیلگن.
ناتو تشکیلاتی گه آمریکا نینگ دایمی نماینده‌سی تینچلیک نی افغانستان اهالیسی نی ایسته‌گی دیب کوپه‌یتیریشیچه، افغانستان اهالیسی آرزولریگه ییتیش اوچون ناتو و آمریکا اولرنینگ یانیگه قالیشی ممکن.
عین حالده، مملکتده کرونا ویروسی کینگه‌یشی بیلن حکومت ینه بیر مرته طالبان‌دن آتیش کیسین اعلام قیلیش‌لرینی سوره‌گن.
مذکور ایسته‌ک اوتگن کون (جمعه ۲۲- حمل) یمن ده ایکی هفته‌لیک آتیش کیسین اعلام ایتیلیشی حقیده افغانستان تشقی ایشلر وزیرلیگی تامانیدن ترقه‌تیلگن اعلامیه‌ده کیلگن.
مملکت تشقی ایشلر وزیرلیگی یمن ده سعودی عربستان آرقه‌لی ایکی هفته‌لیک آتیش کیسین اعلام ایتیلیشی نی خوش قرشی‌لگن.
تشقی ایشلر وزیرلیگی نینگ اعلامیه‌سیده کیلیشیچه:«افغانستان حکومتی مملکتده کرونا ویروسی‌دن ضرر کوره‌دیگن کیشی‌لرگه ساغلیک خدمتلر ترقه‌تیش اوچون، طالبان گروهی‌دن زوروانلیکدن قول تارتیب اهالی گه ساغلیک خدمتلر ترقه‌تیلیشی اوچون زمینه یره‌تیش‌لرینی سوره‌یدی.»
