جمهور رییس سوزلاووچی‌سی‌نینگ اورین باسری سید ظفر هاشمی‌نینگ سلام‌وطندارگه ایتیشیچه، جمهور رییس غنی حاضرگی شرایط‌ده ملی مدافعه وزیرلیگی نامزدی تانیشتیریش بیلن مدافعه‌وی – امنیتی سکتورلر رهبرلیگی یا قدرتی‌ده بوشلیغ کیلتیریش‌نی ایسته‌میدی.
جناب هاشمی انه شو سبب جمهور رییس غنی ملی مدافعه وزیرلیگی نامزدی‌نی نامعلوم وقتگچه افغانستان ملی مجلس‌گه تانیشتیرمیدی دیگن.
اما حربی تحلیلچی عتیق الله امرخیل‌نینگ سلام‌وطندارگه بیلدیریشیچه، حاضرگی کونده ملی مدافعه وزیری‌نینگ تانیشتیریلیشی امنیت تامین ایتیلیشی اوچون اساسی رولی بار.
شونینگ‌دیک جناب امرخیل ملی مدافعه وزیرلیگی اوچون حکومت تامانیدن بیرار کیشی تانیشتیریلمه‌گن تقدیرده، مملکت‌ده اوروش کوپراق بولیشی ممکن دیگن.
عین حالده، جناب امرخیل ملی مدافعه وزیری پارلمانگه تانیشتیریلیب ایجابی رای آلیشی بیلن مملکتدهگی موجود قیین‌چیلیک بر طرف ایتیمس‌لیگی حقیده علیحده تاکیدله‌گن. او مملکتدهگی برچه معمالر اوچون ملی بیرلیک حکومت رهبرلرینی عیب دار بیله‌دی.
بوندن نیچه وقت آلدین افغانستان جمهور رییسی محمد اشرف غنی مملکت عالی تینچلیک کینگشی‌نینگ اعضالریدن بیری معصوم استانکزینی ملی مدافعه وزیرلیگی لوازمی اوچون پارلمانگه تکلیف ایتگن ایدی. لیکن، جناب استانکزی پارلمان اعضالریدن کوزلنگن ایجابی راینی آلیش‌گه موفق بولمه‌دی.
سونگی نیچه آیدن بیر افغانستان ملی مدافعه وزیرلیگی لوازمی اوچون مناسب شخص‌نی تعین ایتیلمه‌گن لیگی مملکت اهالیسی‌نینگ جدی عکس العمل‌لریگه روپه رو بولیب کیلگن. افغانستان‌لیکلر مملکتدهگی نابرقرارلیک‌لر اوچون ملی مدافعه وزیری یوق لیگی‌نی سبب قیلیب کورستگن‌لر.
