افغانستان بوییچه ایرکین میدیالردن حمایت قیلووچی اداره یا-ده نی تشکیلاتی بیر اعلامیه نشر قیلیب طالبان گروهی نینگ منشوری نامیده میدیالرگه نشر قیلینگن حجت دن خواطر بیلدیرگن.
بوگون «سه‌شنبه، 26- حمل» مذکور اداره تامانیدن نشر قیلینگن اعلامیه کیلیشیچه، آمریکا «طالبان نینگ منشوری توغریسیده میدیا جماعه‌سی نینگ خواطرلریگه» جواب بیریشی کیره‌ک.
نی تشکیلاتی نینگ ایتیشیچه، طالبان گروهی نینگ آدرسیدن میدیالرگه چیققن منشور نینگ 74- ماده‌سی گه قره‌گنده، سوز ایرکین‌لیگی، عیاللرنینگ حقوقی و انسانی حقوق توغریسیده مذکور گروه نینگ ایشانچی و توشونچه‌سی گه هیچ اوزگریش کورینمه‌یدی.
اوشبو حجت ده طالبان گروهی افغانستانده اسلامی امارت ایجاد قیلیش گه تأکیدلگن. بیراق، طالبان گروهی نینگ سوزلاوچیسی ذبیح‌الله مجاهد، بو حجت طالبان گروهی گه تیگیشلی بولمه‌گنینی ایتگن.
طالبان گروهی اوشبو 149 ماده‌لیک منشور ده اسلامی امارت ایجاد ایتیلیشی و آق بیرق بولیشی گه تأکیدلگن. طالبان گروهی نینگ نامیده نشر ایتیلگن منشور ده کیلیشچه: «بوتون ایرکین‌لیک‌لر اسلام تعریفی اساسیده بوله‌دی و اسلامی امارت نینگ بوتون لایحه‌لری رهبرلیک کینگش، عالم‌لر کینگشی، امیرالمومنین یا-ده اونینگ اورین باسری نی کیلیشوویدن سونگ، عمل گه آشیریله‌دی.»
نی تشکیلاتی نینگ ایتیشیچه، بو منشورگه قره‌گنده، سونگی 18 ییل نینگ بوتون یوتوقلری نابود بوله‌دی. اوشبو اداره آمریکا و افغانستان تینچلیک لایحه‌سی بوییچه آمریکانی خاص نماینده‌سی دن انسانی حقوق ارزشلری جمله‌دن سوز ایرکین‌لیگی و میدیالرنینگ ایرکین‌لیگی سقله‌نیشی اوچون طالبان دن تضمینات آلیشی‌دن سوره‌گن.
شونینگدیک، اوشبو اداره افغانستان دولتی دن طالبان نینگ محبوس‌لرینی قوییب یوباریش جریان نی توخته‌تیشی‌نی طلب قیلگن.
