.jpg)
افغانستان رسانه‌لریدن حمایت قیلوچی نهادنینگ بیلدیریشیچه، میلادی 2015- ییل مملکت خبرچی‌لری اوچون اینگ یمان ییل بولگن. بونهاد ییل‌لیک گزارشی‌نی ترقه‌تیش بیرچاغ‌ده، مذکور ییلده 24 رسانه جدی تهدیدلر بیلن روپه‌ره بولگن‌لیگینی اورغوله‌گن.
پنج‌شنبه کونگی مملکت رسانه‌لرینی کوزه تووچی نهاد باشلیغی صدیق‌الله توحیدی ییل‌لیک گزارشی‌نی ترقه‌تیش پیتیده، اوتگن ییل دوامی‌ده خبرچی‌لرگه قرشی 95 مرته خشونت اوتکزیلگن. بولردن 40 مرته‌سی طالب‌لر تامانیدن، 32 مرته‌سی حکومت رسمی‌لری تامانیدن، 1 مرته هم تشقی کوچلر و قالگن 22 مرته‌سی ایسه ناتانیش کیشی‌لر تامانیدن بولگن.
جناب توحیدی‌نینگ ایتیشیچه، 2015 ییلده 4 خبرچی هلاک ایتیلگن و 3 خبرچی هم یره‌لنگن، 4 خبرچی قماققه سالینگن و 20 خبرچی هم کلتکلن‌گن. جناب توحیدیگه کوره، شوییلده 64 خبرچی هم تهدید ایتیلگن.
افغانستان ایرکین رسانه‌لرینی کوزه‌توچی نهاد باشلیغی‌نینگ کوپه‌یتریشیچه، شو ییلده «نی» تامانیدن بولیب اوتگن تیکشیرووده خبرچی‌لردن کوپیسی اطلاعات‌گه قول تاپالمه‌گن‌لیگی اوچون قیین‌چیلیکلر بیلن روپه‌ره بولگن.
.jpg)
مذکور اولتیریشده سیاسی تحلیل‌چی و رسانه‌یی فعال‌لردن احمد سعیدی گه تندیس بیریلدی. بو سیاسی تحلیل‌چی نیچه پیت آلدین سوءقصد ایتیلیشی بیلن تن جراحت آلگن ایدی. جناب سعیدی نینگ ایتیشیچه، رسانه‌یی فعاللر و خبرچی‌لر امنیتی اوچون حکومت توجه قیلمه‌گن.
نی نهادی نینگ مسؤوللریگه کوره، شوییلده 16 خبرچی قتلی دوسیه‌لری تیکشیریلمسدن قالگن. بونهاد، خبرچی و روزنامه نگارلر قضیه‌سی اوچون حکومت‌نینگ توجه‌سینی ایستیدی.
اوتگن کون خبرچی‌لر چیگره‌سیز تشکیلاتی (RSF) هم بیر ییل‌لیک گزاریشی‌نی ترقه‌تیشی بیلن شو ییل جریاینده 110 روزنامه نگار هلاک ایتیلگن دیب بیلدیردی. بو تشکیلات نینگ ینگی گزارشیگه 67 کیشی اولدیریلگن خبرچی‌لر نینگ رسانه‌لرده فعالیت قیلیش جرمی‌ده انیقلنمه‌گن حالده اولدیریلگن دیگن.
