افغانستان ایرکین میدیالریدن حمایت قیلووچی اداره یا-ده نی تشکیلاتی تامانیدن ترقه‌تیلگن گزارش گه کوره، افغانستانده میدیا ایشلاوچی‌لریدن 953 ته‌سی کرونا ویروس گه چلینگن.
بوگون «سه‌شنبه، 10- سرطان» کابل ده اوتکزیلگن خبری بیر ییغینده نی تشکیلاتی‌نی اجراییه باشلیغی عبدالمجیب خلوتگرنینگ ایتیشیچه، مذکور اداره نینگ تدقیقاتی اساسیده، حاضرگه‌قدر میدیا ایشلاوچی‌لریدن 5 ته‌سی کرونا ویروس باعث، جان بیرگن.
جناب خلوتگرنینگ ایتیشیچه، بو اداره نینگ تدقیقاتی اساسیده، کرونا ویروس گه چلینگن میدیا ایشلاوچی‌لری نینگ رقمی حاضرگچه رویخط گه آلینگن رقم دن آرتیق دیر.
اوشبو تدقیقات نی نتیجه‌سی گه کوره، کرونا ویروس گه چلینگن میدیا ایشلاوچی‌لریدن کوپینچه‌سی کابل، لوگر، پنجشیر، پروان، کاپیسا و میدان‌وردک ولایت‌لریده بولگن.
اوتکزیلگن تدقیقات اساسیده، کرونا ویروس گه چلینگن میدیا ایشلاوچی‌لریدن کوپینچه‌سی ایرکک دیر.
نی تشکیلاتی اجراییه باشلیغی نینگ کوپه‌یتیریشیچه، مملکت بویلب کمیده 10 مینگ کیشی میدیالرده ایشله‌یدی و اولردن کمیده 10 فایزی کرونا ویروس گه چلینگن.
جناب خلوتگر میدیالرنینگ مدیرلریدن ایشلاوچی‌لری نینگ ساغلیگی گه جدی شکلده دقت قیلیشی‌نی سوره‌یدی. اونگه کوره، چونکه هیچ بیر گزارش بیر خبرچی نینگ ساغلیگی دن اهمیت‌لی ایمس دیر.
افغانستان ساغلیقنی سقلش وزیرلیگی تامانیدن بیریلگن رسمی رقم اساسیده، حاضرگه‌قدر مملکت ده 31 مینگ و 517 کیشی کرونا ویروس گه چلینگن و بو جمله دن 745 ته‌سی جان بیرگن و باشقه 14 مینگ و 36 ته‌سی قیته ساغه‌یگن.
