.jpg)
سونگی کونلرده اجتماعی صحیفه‌لرده افغانستان ایلت‌لر لیستی قولمه قول بولیب کیلماقده. اوشبو لیستده سیغدیریلگن قوملر اسمی برقی کیم‌لیککه استفاده قیلینیشی کوتیلردی، بیراق اوشبو لیستده قوملردن بیرقطاری شاخه‌لرگه اجره‌تیلگن‌لیگیدن تشویشلر تاپیلگن.
اوشبو لیست «افغانستان قوملری نهایی لیستی» عنوانیده 42 قوم شامل اجتماعی صحیفه‌لرده قولمه قول بوله‌دی.
نماینده‌لر کینگشی سابق اعضاسی و 1382-ییلده اساسی قانون لویه جرگه عضوی فضل کریم ایماق، مذکور لیستده ایماق قومی لرخوابی، سجانی، فیروزکوهی، جمشیدی و تیمنی‌لرگه بولینگن دیدی. جناب ایماق نینگ ایتیشیچه، «حاضرگی نظام‌ده قوملر کمیت لحاظیدن انیقلنه‌دی و بیر قومنی بولکلب کورسه‌تیش، بیر قوم نینگ حقوقی اورنی نی خطر بیلن روپه‌ره قیله‌دی.»
.jpg)
بو نماینده‌لر سابق اعضاسی و ایماق قومنی نینگ رهبری قوم و قبیله‌لر وزیرلیگی و مملکت بویلب نفوسلر رویخط‌گه آله دیگن اداره‌دن ایسته‌یدی تا قوم اوچون بوله‌دیگن موضوع‌لرگه احتیاط قیلسین و شونگه اوخشه‌گن مسأله‌لرنی قوملر علمی، فرهنگی و رهبرلری بیلن اورته گه قویسینلر دیدی.
ایماق قومینی شاخه‌لرگه اجره‌تیش، باشقه قوملرنی هم شونقه اجره‌تیش اورنکی دیب بیله‌دی.
اما قوم، قبیله و چیگره‌لر وزیرلیگی تدقیقات و مطالعه بولیمی باشلیغی خیال‌الدین صدیقی نینگ ایتیشیچه، مذکور لیست ترتیب بیریلیشی ناتوغری و ایریم قوملر نیچه شاخه گه بولینیشی بونی ناتوغریلیگی‌نی اثباتلیدی. تیزلیکده افغانستان قوملری نهایی لیستی برقی کیم‌لیک اوچون نشر ایتیله‌دی دیدی- صدیقی.
شونینگدیک اوتگن کیچه نفوس رویخط‌گه آلیش اداره‌سی باشلیغی همایون محتاط، جمهور رییس ایکینچی اورین باسری سرور دانش بیلن اوتکزگن اوچره‌شووده اوشبو لیستنی افغانستان قوملری لیستی عنوانیده، رد قیلدی و نفوس رویخط‌گه آله دیگن اداره بولیستنی ترتیب بیریشیگه دخل ایمس دیدی- محتاط.
عین دمده، افغانستان قوم و قبیله‌لر وزیرلیگی بیلن عدلیه وزیرلیگی‌گه بوتوغریده کیلگن بویروغلر نظرده توتیلسه دیگن-جناب محتاط.
اوتگن هفته پنج‌شنبه کونی نفوس ثبت ایتیش قانونی نینگ آلتینچی ماده‌سی برقی کیم‌لیک ترقه‌تیلیشی باره‌سیده کابینه اولتیریشیده تأیید و جمهور رییس تامانیدن فرمان صادر قیلینیشی بیلن توشیح بولدی. نفوس رویخط‌گه آلیش قانونی نینگ آلتینچی ماده‌سیده برقی کیم‌لیکده قوملر رویخط‌گه آلینیشی باره‌سیده ایدی. بونگه قوشیمچه برقی کیم‌لیککه افغان کلمه‌سی ایسه کیشی نینگ ملیت و قومیتی هم ذکر ایتیلیشی ممکن.
«افغان» کلمه‌سی برچه یشاوچیلرگه ملیت عنوانیده سیغدیریلیشی و یا سیغدیریلمس‌لیگی باره‌سیده کوپلب جنجاللر دن سونگ، 1392-ییل نماینده‌لر کینگشی برقی کیم‌لیک قانونینیده افغان کلمه‌سی و یشاوچیلر قومی کیریتیلمه‌سین دیب تصویب قیلگن ایدیلر و اونده فقط «افغانستان اسلامی جمهوریتی» کیریتیلگن ایدی.
1393-ییلده جمهور رییس محمد اشرف غنی هم اوشبو قانوننی توشیح قیلگن ایدی، بیراق انیقلنمه گن دلیللر باعث برقی کیم‌لیک توزیع بولیشی توخته‌تیلدی.
