تخارده‌گی قندوز بدرغه‌لریدن کوپیسی‌نینگ ایتیشیچه، دولت تامانیدن بولرگه یاردم کورسه تیلمه‌گن‌لیگی، وضعیت‌گه قره‌ب طالب‌لرنی قیته قندوز ولایتی‌نینگ آلیش خواطری دلیل، اولر اوز اویلریگه قیتیشگه اولگورمه گنلر.
بدرغه بولرگنلردن بیری محمدامین نینگ ایتیشیچه، بولرگه دولت یاردم بیرگن صورتده، اویلریگه قیتیب باریشلری ممکن.
باشقه بیر قندوزلیک بدرغه‌لردن بیری حشمت نینگ ایتشیچه، اولرنی بدرغه‌لیک برچه نرسه‌دن چیقاریب یوبارگن و حاضر یمان وضعیت‌ده حیات کیچیریب کیلماقده‌لر. اونگه کوره، باید دولت بولر حقینی بیرسه تا قندوزگه قیتیب بارسه‌لر.
باشقه بیر قندوزلیک بدرغه بولگن «18 کون بولگن بیزده بیر توزی نرسه ییتمه‌گن. بوییرده کوچیک‌گه چوزگندیک قیلیب نان و کمپلنی هوادن تشلیدیلر و بیز قندوزده باریشیمیز بیلن ینه ولایت ساتیلسه بیز تباه بوله‌میز». دیدی سمیع‌الحق
طالب‌لرتامانیدن قندوزشهری آلینیشی بیلن، قندوز قوشنیسی بولگن تخار ولایتی‌ده بدرغه بولگنلر سانسیز شکلی‌ده قاچیب چیگن ایدیلر. ایتیلیشیچه، بدرغه بولگنلر سانی 8 مینگ عایله‌دن آشه‌دی. اما تخار محلی رسمی‌لری، حاضرگه قدر بدرغه بولیب کیلگن‌لر انیق سانی معلوم ایمس دیگن.
شوحاضر بوبدرغه بولگنلر کرایی اویلر و «بیش باتور» و «شرکت» منطقه‌لریده یمان وضعیت‌ده حیات کیچیریب کیلماقده‌لر.
باشقه بیرتاماندن، قندوز امنیتی رسمی‌لری، شهرنی طالب‌لردن پاک قیلگن‌لیکلرینی اعلام قیلگن‌لرو اوروشدن بدرغه بولگنلردن قیته اویلریده کیلیشلرینی ایسته‌گن. بو رسمی‌لرگه کوره، شهر اطرافیده‌گی قیشلاق‌لردن هم طالب‌لر قاچیب کیتگن و امنیتی کوچلر قلعه زال و چهاردره تومنلرینی هم اوز تصرف‌لریگه آلگنلر.
عین حالده تخار ولایت سوزالاوچیسی سنت تیمور نینگ ایتیشیچه، هرکون محلی حکومت قندوز ولایتیدن تخارده کیلگن بدرغه‌لردن 8 مینگ کیشی‌گه آذوقه تیارلیدی. تیمورنینگ کوپه‌یتیریشیچه، حاضرهم محلی حکومت ایشلاوچی‌لری اوروشدن بدرغه بولگنلرنی ثبت قیلش اوچون مصروف‌لر.
تخار ولایت سوزلاوچیسی نینگ بیلدیریشیچه، اوروشدن بدرغه بولگن عایله‌لردن، اویلری تامان قیتیشنی ایسته‌گن صورتده محلی حکومت یاردم بیریش‌گه تیار ایکن. جناب تیمور، بدرغه بولیب کیلگن‌لر ولایتلری تامان بارماقچی بولسه‌لر، مرکزی دولت نینگ بولر اوچون بیرگن یاردم‌لری، اویلریگچه ایلتیب بیریله‌دی دیب کوپه‌یتیره‌دی.
شو ایکی کوندن بویان، هرکون قندوز اوروشلریدن بدرغه بولیب کیلگنلردن 50 عایله تخار محلی حکومتی یاردمی بیلن اویلریگه یوباریله‌دی. گزارشلرگه کوره، قندوز اوروشی باشقه 14 مینگ عایله باشقه قوشنی ولایتلرده بدرغه بولیشیگه سبب بولگن.
