بوگون (چهارشنبه، 5- حوت)، نیپال رسمی‌لری‌نینگ معلوم قیلیشیچه، اوشبو مملکت‌نینگ یولاوچی تاشیدیگن بیر کیچیک تیک اوچری 23 یولاوچی‌سی بیلن درک‌سیز یوقالگن.
اوشبو تیک اوچرنینگ 18 نیپال‌لیک یولاوچی‌سی، ایکی غربی یولاوچی‌سی و اوچ خدمه‌سی بولیب، نیپال باشکینتی کاتماندا دن جوسوم تامان کیتماقده ایکن؛ بیراق پوکارا نینگ تاغلی منطقه‌سیده ییتگن چاغیده، سقلاوچی مناره رادار صحیفه‌سیدن یوقالگن.
پوکارا هوا قونالغه مسؤول‌لریدن بیری یوگاندارا دن نقل قیلیب رویترز خبرنامه‌سی‌نینگ خبرچیسی گوپای شرمانینگ ایتیشیچه، قوتقرووچی و ایزلاوچی تیرمه‌جماعه پوکارا تاغ‌لریگه یوباریلگن؛ بیراق ساعت‌لرچه ایزلش نتیجه‌سیده، تیک اوچردن هیچ بیر اثر تاپیلمه‌گن.
تارا هوایی شرکتی، اوشبو تیک اوچرنینگ اوچیشی‌گه مسؤول ایکن. مذکور تیک اوچر، نیپال پایتختی‌نی 20 دقیقه‌لیک سیاحتی سفرده، مذکور مملکت مرکزی تاغلری نیتی‌ده ترک ایتگن؛ بیراق توستدن سقلاوچی مناره دن علاقه‌سی کیسیلگن.
دیمک هوا باردی- کیلدیسی خوفسیز و آز پیت‌لی عصری یول سنله‌دی؛ بیراق نیپال باشقه مملکت‌لردیک ینگی رواجله‌نیشی‌ده ایسکی تیک اوچرلردن فایده‌لنه‌دی. عین حالده، هوایی واقعه‌لر خصوصیده میزانی یوقاری مملکت‌لردن بیری سنله‌دی.
