افغانستان‌ده ایرکین اخبارات واسطه‌لرینی حمایت قیلوچی اداره (نَی) مسوول‌لری، نماینده‌لر مجلس اعضالری‌نینگ بیر قطاری حکومت‌دن فیسبوک اجتماعی ترماغیگه بعضی چیکلاو یره‌تیش‌نی سوره‌گن‌لر دیگن.
ایرکین اخبارات واسطه‌لرینی کوزه‌توچی اداره باشلیغی صدیق‌لله توحیدی، بوگون (پنج‌شنبه) کابلده اوتکزیلگن مطبوعات انجمنی‌ده ایتیشیچه، نماینده‌لر مجلس اعضالری‌نینگ ایریملری بوحقده جمهور رییس‌لیک سرایی ایشلری بوییچه اداره‌گه نامه یوللگن‌لر.
شونینگدیک بو اداره هم مملکت تکنالوژی و مخابرات وزیرلیگی‌گه نامه یوللب، مجلس اعضالری تکلفی‌گه موافق عمل بولیشی‌نی سوره‌گن‌لر.
جناب توحیدی، افغانستان مخابرات و تکنالوژی وزیرلیگی ایریم پیت‌لرده قصدی انترنیت تیزلیگی‌نی توشیریش‌گه حرکت قیله‌دی دیگن.
نَی اداره‌سی‌نینگ باشلیغی، تیزیم ایچکریسی و تشقریسی‌ده فیسبوکی گروه‌لر توزه‌لگن لیگی‌نی تیلگه آلیب بعضاً پرفاگندگه قوله اوره دیلردیگن. لیکن، فیسبوک اجتماعی ترماغیگه یره‌تیله‌جک چیکلاو مملکت اساسی قانونی گه ضد عمل حسابلنه‌دی.
جناب توحیدی سوزلرینی رد قیلگن مخابرات و تکنالوژی وزیرلیگی‌نینگ سوزلاوچی‌سی یاسین صمیم‌نینگ سلام‌وطندار ترماغیگه معلوم قیلیب ایتیشیچه، هنوزگچه بو توغریده وزیرلیک‌که هیچ قنده‌ی نامه کیمله‌گن.
جناب صمیم، افغانستان‌ده انترنیت خذمت‌لر صفتی منطقه دولت‌لریگه قره‌گنده سیزیلرلی درجه‌ده کوچلی بولگن‌لیگینی انکار قیلیش ممکن ایمس دیگن. انده – سنده مخابرات آنتن ساحه‌سی‌ده وجودگه کیله‌دیگن زیچلیک انترنیت تیزلیگی‌نی امکان قدر قویی کیلتیره‌دی دیدی وزیرلیک سوزلاوچی‌سی.
تکنالوژی و مخابرات وزیرلیگی‌نینگ سوزلاوچی‌سی، سوز ایرکین‌لیگی افغانستان حکومتی تامانیدن بیر اصل صفتی‌ده قبول ایتیلگن و دولت‌نینگ هیچ بیر اداره‌سی عاموی اخبارات واسطه‌لری فعالیتی آلدینی آلالمیدی دیگن.
فیسبوک اجتماعی ترماغی افغانستان خلقی قاله‌ویرسه یاش قتلم ایچی‌ده مخصوص محبوبیت‌گه ایگه، فیسبوک ایشلاوچی‌لری تورلی مساله‌لرگه بغیشلب اوز فکر و ملاحظه‌لرینی بیلدیره آله‌دی.
