نورستان ولایتی وایگل تومنی‌نینگ باشلیغی رحمت‌الله نینگ سلام‌وطندار بیلن تلیفونی سوزله‌شیب ایتیشیچه، تومن‌نی باسیب آلیش‌گه قصد قیلگن طالب‌لرنینگ هجومی پنج‌شنبه کونی ایرته‌لب باشله‌نگن ایدی و حاضرگچه دوام ایتماقده.
جناب رحمت‌الله نینگ کوپه‌یتیریشیچه، حاضر امنیتی کوچلر بار کوچی بیلن بو تومن‌دن دفاع قیله‌دی، بیراق اوروش زمان اوتیشی بیلن شدت‌لنماقده. اونگه کوره، چیت ایل‌لیک عصیانچی‌لرهم بو اوروش‌ده اشتراک ایتکن.
نورستان ولایتی کینگش سابق باشلیغی قاضی عنایت‌الله مذهب‌یارنینگ سلام‌وطندارگه ایتیشیچه، اوروش‌ده کمی‌ده 800 قوراللی طالب نورستان ده‌گی طالب‌لرنینگ نام‌لنگن والیسی مولوی حشمت‌الله رهبرلیگی‌گه حضور کیلتیرگن.
نورستان‌ده تیزیاردم کوچلر قومندانی الله دادنینگ سلام‌وطندارگه ایتیشیچه، بو توقنه شوولر نتیجه سیده حاضرگچه 50 قوراللی طالب هلاک بولگن.
بیراق، طالب‌لر حاضرگه قدر بو توغریده میدیاگه بیرنرسه دیمه‌گن.
