بوگون «جمعه، 22- قوس» ایرتهلب غزنی ولایتی نینگ جغتو تومنی گه تیگیشلی «درۀ قیاق» منطقهسیده ماین پارتلهشی عاقبتیده 10 تینچ اهالی جان بیرگن.
غزنی ولایتی نینگ مطبوعات دفتری تامانیدن ترقهتیلگن خبرنامهده یازیلیشیچه، اوشبو واقعه فلانکوچ تیپلی بیر موتر دایکندی ولایتیدن غزنی شهری تامان کیتهیاتگن چاغیده، یولده ییرلشتیریلگن ماین گه دوچ کیلگن بیر پیتده یوز بیرگن.
خبرنامهده کیلیشیچه، بو پارتلشده 10 تینچ اهالی هلاک و باشقه 6 تهسی یرهلنگن.
اوشبو واقعهده هلاک ایتیلگنلرگه 3 عیال و بیر باله شامل بولگن.
غزنی ولایتی نینگ مطبوعات دفتری تامانیدن ترقهتیلگن خبرنامهده کیلیشیچه، اوشبو ماین طالبان تامانیدن ییرلشتیریلگن ایکن، بیراق طالبان گروهی حاضرگهقدر بو توغریده میدیالرگه هیچ نرسه دیمهگن.
