نورستان ولایتینینگ غربی اوچ ولسواللیگی نینگ یشاوچیلری، لغمان – نورستان عمومی قتناو یولی امنیتی تامین بولیشی اوچون قومی کینگش تاسیس قیلیش اوچون سعی وحرکت باشله‌گن‌لر.
بوگون (شنبه) ولایت‌نینگ بیر قنچه قوم یاش اولوغلری، دین عالملری و یاشلر ولایت نینگ نورگرام تومنی‌ده ییغین اوتکزیب، ولایت نینگ مرکزی مهترلام بیلن 45 کیلو متر فاصله‌سی بولگن اوچ تومن سونگی بیر ییل‌دن بیری جدی نابرقرارلیک‌لرگه گواه ایکن لیگینی ایتگن‌لر.
بو مساله ایسه ولایت‌نینگ خلقی اوچون اولکن معمالرنی پیدا قیلگن دیدی ییغین اشتراک چیلر.
نورستان ولایتینینگ مندو، نورگرام و دواب تومن لرنینگ یشاوچیلری قومی کینگش تشکیل قیلیب، موجود قیین چیلیک‌لری برطرف ایتیلیشی‌گه سعی و حرکت باشله‌گن‌لر.
شونینگ‌دیک بو اوچ تومن نینگ اهالی‌سی لغمان ولایتینینگ خلقی بیلن قوشمه بیر کینگش قوریب، امنیتی قیین‌چیلیک‌لرنی اوز لری برطرف قیلیش‌لری اوچون قرار قبول قیلگن‌لر.
مذکور تومن‌لرنینگ اهالی‌سی ولایت خلقی‌دن ملی کوچلرگه همکارلیک قیلیب، امنیت لری تامین ایتیلیشی اوچون فعال حصه قوشیش‌لرینی طلب قیلگن‌لر.
نورستان افغانستان‌نینگ اوزاق حدودیده جایلشگن ولایت‌لریدن سنه له‌دی.
بو ولایت اوچ تومنی‌نینگ اهالی‌سی ولغمان خلقی هم کونده‌لیک احتیاج لرینی کنر بازاریدن بر طرف قیله‌دیلر.
