نورستان‌نینگ وانت‌وایگل تومنی‌ده امنیتی رسمی‌لرنینگ ایتیشیچه، اوشبو تومن‌ده امنیتی کوچلر بیلن طالب‌لر آره‌سیده یوز بیرگن آتیشمه نتیجه‌سیده، 40 جنگری طالب هلاک ایتیلگن و باشقه 50 جنگری طالب یره‌لنتیریلگن. شونینگ‌دیک، اوشبو آتیشمه‌لر جریانیده امنیتی کوچلر، ایکی خودکش یاش قیزنی آیاق‌دن ییقیتگن‌لر.
اوتگن (یک‌شنبه کون) طالب‌لر، مذکور تومن اوستیگه هجوم قیلگن‌لر، بیراق امنیتی کوچلرنینگ قرشی‌لیگی‌گه روپه‌ره بولگن‌لر.
201 سیلاب قول اردو تامانیدن ترقه‌تیلگن خبرنامه‌ده ایتیلیشیچه، امنیتی کوچلر ییر و هوا دن طالب‌لرنی نشانگه آلیب و اولرگه کوپلب زیان ییتکیزگن.
اوتگن کون، نورستان امنیه قومندانی اکرام‌الدین سریع‌نینگ سلام‌وطندارگه ایتیشیچه، آتیشمه‌لر نتیجه‌سیده 3 امنیتی عسکرهم هلاک ایتیلگن و باشقه 9 امنیتی عسکر یره‌لنتیریلگن.
کنر ولایتی عامه ساغلیک ریاستی باشلیغی داکتر احسان‌الله فضلی‌نینگ سلام‌وطندارگه ایتیشیچه، اوشبو ولایت کسلخانه‌لریگه 29 یره‌لی کیشی آلیب کیلینگن. بیراق جناب فضلی، بو توغریده آرتیقچه معلوم بیرمه‌یدی.
اما، طالب‌لر تامانیدن ترقه‌تیلگن خبرنامه‌ده ایتیلیشیچه، اوشبو آتیشمه‌لر نتیجه‌سیده، 11 امنیتی پوسته‌نی نظارت‌گه آلیب و 3 رنجر شامل، بیر آز حربی جهازنی غنیمت آلگن‌لر. طالبلرنینگ سوزلاوچی‌لریدن بیری ذبیح‌الله مجاهدنینگ ایتیشیچه، اوشبو آتیشمه‌لرده 15 امنیتی عسکر هلاک ایتیلگن و اوزلری‌نینگ کوچلریدن یالغیز 5 ته‌سی یره‌لنگن.
