افغانستان سیلاولر کمیسیون باشلیغی احمدیوسف نورستانی، پارلمان سیلاولری اوتکزیلمس لیگی اوچون اصلی توسیق مالی امکانات ایمس، ملی بیرلیک حکومت نینگ اراده سیزلیگی دیگن.
جناب نورستانی بوگون پارلمان گه چقیریلگن ایدی. اونینگ ایتیشیچه، سیلاولر کمیسیونی‌ده تخنیکی بولیمده هیچ بیر قیین چیلیک یوق، پارلمانی سیلاولر اوتکزیلیشی اوچون مالی امکانیت یره تیب بیرلگن تقدیرده، اوشبو کمیسیون کیلگوسی بیش آی ایجیده پارلمانی سیلاولرنی اوتکزه آلیش گه موفق دیگن جناب نورستانی.
سیلاولر کمیسیون باشلیغی مجلس نینگ عمومی ییغینده اشتراک قیلیش اوچون کیلگن بیر چاغده بیر قطار نماینده لر اونینگ 1393 – ییلده اوتکزیلگن جمهور رییس لیک سیلاولریده تقلب لر آلدینی آلیشگه موفق بولمه گنی سبب چمه سی ایکی ساعت اونی عمومی ییغین گه کیریش اوچون ایزین بیرمه گنلر.
جناب نورستانی ییغین گه کیلیشی بیلن نماینده لر مجلس اعضالری نینگ ناراضیلیگی باعث مجلس ییغین ترتیب سیزلیککه یوز توتدی.
دوشبنه کونگی ییغینی باشقره دیگن پارلمان نینگ بیرینچی اورین باسری ظاهر قدیر تکلیفی اساسیده جناب نورستانی نماینده لرنینگ کوپچیلیگی تامانیدن تصدیق لنگندن سونگ ییغین گه کیلدی.
یوسف نورستانی نینگ نماینده لرگه ایتیشیچه، سیلاولر کمیسیونی نینگ وظیفه‌سی تخنیکی و لوژستیگی امکانات لرنی تیارلش؛ لیکن مالی امکانیتنی یره‌تیش بو کمیسیون نینگ ایشی ایمس.
اساسی قانون نینگ 83 – ماده سیده یازیلیشیچه، پارلمان نینگ اعضالری نینگ ایش دوره سی بیش ییل یعنی جاری ییل سرطان آیی نینگ باشیده اوز نهایه سیگه ییته‌دی.
جناب نورستانی اوتگن ییل اوتکزیلگن جمهور رییس لیک سیلاولریگه اشاره قیلیب ایتیشیچه، آواز بیره دیگن لر سانی حقیقی شکلده معلوم بولمه‌گونگه قدر، مملکتده شفاف سیلاو یولگه قوییلیشی ممکن ایمس.
شونینگ‌دیک نورستانی،مملکت جمعیتی اهالی سی نینگ 26 میلیون کیشی دیر، بیراق سیلاولر کمیسیونی میلادی 2004 – ییل دن 2013 – ییل گچه 20 میلیون و 800 کیشی گه آواز بیریشی چیپته‌سی ترقتیلگن لیگینی بیلدیرگن.
عین حالده، جناب نورستانی اوتکن ییل جمهور رییس لیک سیلاولر آوازی یوزده – یوز تیکشیریلگنینی اساس سیز دیگن.
نورستانی گه کوره، دنیا جماعه چیلیگی کورسته دیگن یاردم لر توخته تیلگن صورتده، سیلاولر کمیسیونی نینگ 850 ایشچیسی ایشلرینی قولدن بیریشی ممکن.
نورستانی نینگ نماینده لرگه ایتیشیچه، سیلاولر کمیسیونی، سیلاو اوتکزیلیش زمانی جدولینی اوتکن ییل عقرب آیی نینگ 15 – سیده جمهور رییس گه تاپشیرگن؛ اما، جمهور رییس جواب بیریش اوچون اولردن وقت سوره گن.
سیلاولر مستقل کمیسیون رسمیلریگه کوره، کیله جک پارلمانث سیلاو ده 80 میلیون دالر صرفله‌نیشی انابت گه آلینگن.
اما اوشبو پول ایسه اوتکن ییل جمهور رییس لیک سیلاولر جنجاللرگه تیگیشلی مساله‌لرگه صرفلنگنی ایتیله‌دی.
