ننگرهار ولایتی‌نینگ بتی‌کوت تومنی یشاوچیلریدن 12 تینچ اهالی‌نینگ جسدی اوتگن کون اچین تومنی‌نینگ دره مومند منطقه‌سیده تاپیلگن؛ ایتیلیشیچه، اوشبو کیشی‌لر داعش گروهی تامانیدن اولدیریلگن. کمیده بیر ییل آلدین، ننگرهار ولایتی‌نینگ بتی‌کوت تومنیده مردمی کوچلر بیلن قوقنشگن داعش گروهی‌گه باغلیق جنگریلر، مذکور تومندن 6 عیال شامل 18 تینچ اهالی‌نی اوزلری بیلن آلیب کیتگن ایکن.
گزارشلر اساسیده، مذکور گروه جنگریلری اوشه زمانده افغانستان حکومتی بیلن اوتکزگن سوزلشوولری نتیجه‌سیده، حبس‌ده بولگن محبوس‌لریدن بیرقطاری قوییب یوباریلیشی بدلی‌ده 6 عیال‌نی آزاد قیلگن، بیراق 12 ایرکک اولرنینگ توتقونیده قالگن.
سلام‌وطندارگه صحبت بیرگن بتی‌کوت تومنی قوم بویوک‌لریدن بیری امیرجان‌نینگ ایتیشیچه، داعش گروهی مذکور 12 تینچ اهالی‌نی کمیده بیر ییل آلدین اولدیرگن و اولرنینگ جسدلرینی اوتگن کون مومنددره منطقه‌‌سیدن بتی‌کوت تومنی گه انتقال بیریلگن.
اونینگ ایتیشیچه، مذکور تینچ اهالی‌لرنینگ جسدلری بوگون بتی‌کوت تومنیده توپراققه تاپشیریله‌دی. محلی رسمی‌لر، حاضرگچه بو توغریده میدیاگه هیچ نرسه دیمه‌گن.
