سلام‌وطندارگه صحبت بیرگن ننگرهار حاکمی سوزلاوچیسی عطاالله خوگیانی، اوشبو خبرنی تصدیق‌لب ایتیشیچه، بوگون ایرته‌لب ساعت 9:00 اطرافیده جلال‌آباد شهری‌نینگ بیشینچی ناحیه‌سیده معارف شهری مدیریتی هجوم‌گه دوچ کیلگن و بو هجوم نتیجه‌سیده 10 کیشی هلاک و باشقه 10 کیشی یره‌لنگن.
خوگیانی گه کوره، ننگرهار معارفی‌نینگ شهری مدیریتی‌نی بِنالریدن بیری ترورچی‌لردن تازه‌لنگن و باشقه بِنالرده آتیشمه دوام ایتماقده.
ننگرهار حاکمی سوزلاوچیسی گه کوره، یره‌لنگن‌لرگه بیر 12 یاشر باله شامل دیر.
ایتیلیشیچه، نیچه خودکش هجومچی ننگرهار معارفی‌نینگ شهری مدیریتی‌نی بِناسی گه کیرگن.
جناب خوگیانی گه کوره، امنیتی کوچلر واقعه محلی گه ییتیشگن.
باشقه تاماندن واقعه گواهلری‌نینگ ایتیشیچه، هجومچی‌لر بیلن امنیتی کوچلر اوروشگن و حاضرگچه واقعه محلی‌دن ایکی پارتلش‌نی سیسی ایشیتیلگن.
اوشبو واقعه مسؤولیتی‌نی حاضرگچه هیچ بیر کیشی یا-ده گروه بوینیگه آلمه‌گن.
شونینگدیک، اوتگن کون جلال‌آباد شهریده خودکش هجوم یوز بیرگن ایدی و بو هجوم نتیجه‌سیده 12 کیشی و 5 کیشی یره‌لنگن. اوتگن کون یوز بیرگن هجوم مسؤولیتی‌نی داعش گروهی بوینیگه آلگن.
