ننگرهار عالم‌لر کینگشی نینگ اعضاسی پولیس و اردو کوچلری نینگ قاتللرینی اولدیریش جایز دیب اعلام قیلگنلر.
دوشنبه کونی ننگرهار ولایتی ایریم تومنلریدن کوپچیلیک دین عالم‌لری، قوم آقسقاللری، ولایتی کینگش و پارلمانده‌گی نماینده لرنینگ قتنه شیشلری بیلن ترورچیلرگه قرشی اوز حمایتلرینی افغانستان حکومتیدن اعلام قیلیب، امنیتی کوچلر بیلن ترورچیلرگه قرشی کوره‌شیش اوچون اوز تیارگرلیک‌لرینی بیلدیردیلر.
ننگرهار عالم‌لر کینگشی نینگ اعضالریدن بیری مولوی ظاهر حقانی، پولیس، ملی اردو و اولکه قروقچیسی بولگن بیزنینگ فرزندلریمیز قاتلی بولسه، اولرنی اولدیریش واجب و اولرگه باشقه وقت بیریلمسه دیدی. جناب حقانی اوشبو فتوا افغانستان اهالیسی نینگ حریمی‌گه تجاوز قیلگنلردن تا پولیس و ملی اردو کوچلری قاتللریگه قدر بیریله‌دی دیب کوپه‌یتیره‌دی.
حاضرگه قدر ننگرهار عالم‌لرکینگشی فتواسی باره‌سیده بیرنرسه دیمه‌گن.
بوندن آلدین هم کوپلب دین عالم‌لری پولیس و اردو کوچلری نینگ اولدیریشینی ناجایز بیلگن ایدیلر.
ولایت شینوار تومنی نینگ قوم آقساقالریدن بیری ملک سیدحکیم نینگ ایتیشیچه، ترورچیلیک‌که قرشی کوره‌شیش اوچون اولردن یاردم سوره‌لگن صورتده یاردم بیره‌دیلر.
شونینگ‌دیک ننگرهار اهالیسی نینگ پارلمانده‌گی نماینده‌لریدن بیری حاجی حضرت‌علی، اهالیگه بیرگن وعده‌لریگه تاخته لگنلرو امنیتی کوچلر یانیده توریب طالب‌گه قرشی کوره‌شه میز دیگن.
باشقه تاماندن ننگرهار والیسی سلیم‌خان قندوزی هم ترورچی گروه‌لرگه قرشی عملیات یولگه قویشلریدن خبر بیردی. اونگه کوره، مذکور عملیات‌ده امنیتی کوچلر اهالی بیلن بیرگه لیک‌ده ترورچیلیک‌که قرشی اوروشه‌دیلر.
جناب قندوزی ناتینچ منطقه‌لرنی ترورچیلر بارلیگیدن پاک قیله‌میز و اهالی ایسه پاک بولگن منطقه‌لرنی تینچ اسره سینلردیدی.
ننگرهار ولایتی‌ده نیچه آیدن بویان ناتینچ‌لیکلر کوپه‌یب کیلماقده. ولایت ایریم تومنلریده داعش گروهی‌گه باغلیق جنگریلر نفوذ قیلگن و محل یشاوچی‌لری قوشیمچه طالب‌لرنی منطقه‌دن سوریب چیقارگنلر. ایتیلیشیچه، داعش جنگریلری ننگرهار ولایتی نینگ شینوار، اچین و کوت تومنلریده‌گی طالب‌لرگه قرشی اوروش یولگه قویگن و حاضر ایسه دولت‌گه قرشی اوروشیب کیلماقده‌لر.
عین حالده، اوتگن کون کینگش بیرینچی اورین باسری ظاهر قدیر هم تیزلییک‌ده داعش گروهی‌گه قرشی ننگرهارده ییریک اوروش اوتکزیشی‌دن خبر بیرگن ایدی.
