مملکت فوایدعامه وزیری محمود بلیغ، ننگرهار ولایتی بهسود تومنی‌نینگ ایکینچی کوپریگی قیته قوریلیش ایشی اوچ آی جریانی‌ده اوز پایانی‌گه ییتیب، فایده‌له‌نیش گه تاپشیریله‌دی دیگن.
بو ولایت‌گه سفر قیلگن وزیر، بوگون (پنج‌شنبه) خبری بیر اولتیریش‌ده، مذکور کوپریکنی قوریش مسوولیتی‌نی اوز ذمه‌سیگه آلگن قوریلیش شرکت‌نی لایحه‌نی تیزلیک‌ده یکونلنتیریش اوچون باسیم آستیگه آلگن.
اوشبو کوپریک ولایت‌نینگ بهسود، کامه، گوشته، دره نور کوز کنر تومن‌لری خلقی باردی کیلدیسی اوچون مناسب شرایط یره‌تیشی ایتیله‌دی.
ننگرهار ولایتی بهسود تومنی‌نینگ خلقی مذکور کوپریک تیزلیک‌ده قوریلمه‌گن‌لیگی اوچون حکومت رسمیلرینی تفاوت سیزلیککه عیبله‌گن‌لر. اولرگه کوره، مذکور کوپریک اوز وقتی‌ده قوریلگن حالده، اهالی هلی بونچه‌لیک معما بیلن روپه ره بولمس ایدی دیگن‌لر.
اهالی، اوزاق مدت یول‌لر یاپیلیب قالیشی اینیقسه یاز موسیمی‌ده حدن آرتیق تیقین بولیشی بو یول نینگ بوزیق لیگی‌دن کیلیب چیقه دی دیگن‌لر. بو وضعیت اهالی حوصله‌سینی پیر قیلگن دیدی خلق.
بهسود کوپریگینی قوروچی شرکت‌نینگ مسووللریدن داکتر ماهرنینگ سلام‌وطندارگه ایتیشیچه، حاضر لایحه‌نینگ مالی معماسی بر طرف ایتیلگن.
لیکن، کابل دریاسیده سوو میزانی اشیشی مذکور کوپریکنی قوریش‌ده بعضی بیر قیینچیلیک‌لرنی یره‌تگن دیدی مهار. او، دریا سووی کمیگن‌دن کیین، کوپریک‌نینگ قوریلیش ایشی تیزلشتیریله‌دی دیگن.
لایحه قوریلیشی اوچون ننگرهار محلی حکومتی مذکور شرکت‌گه ایکّی آی مهلت بیرگن؛ اما، هلی بو مهلت ایسه اوز پایانی‌گه ییتگنی‌گه قره‌می، پروژه تکمیل ایتیلمه‌گن.
ننگرهار ولایت والی‌سی سلیم کندوزی، شرکت مسووللری بیلن ملاقات قیلیب، ایش سیکین لیگی‌نینگ بیرینچی عاملی تخنیکی معما بولگن لیگینی اورگنگن. ولایت والی‌سی، شرکت‌نینگ مسووللری، بو کوپریک ایشی تیزلیک‌ده باشله‌نیشی اوچون وعده بیرگن دیگن.
بهسود ایکّینچی کوپریگی 175 میلیون اقش دالری صرفله‌نیشی بیلن کابل دریاسی اوستی‌ده قوریله‌دی. بو کوپریک 350 متر اوزونلیک و 8 متر اینی بولگنی ایتیله‌دی.
