بوگون «سه‌شنبه» ایرته‌لب ساعت 10 ده جلال‌آباد شهری‌نینگ آلتینچی ناحیه‌سیده ملی خوفسیزلیک‌نینگ چیک پاینتی خودکش هجوم گه دوچ کیلگن و نتیجه‌ده ملی خوفسیزلیک‌نینگ 2 ایشلاوچیسی و 8 تینچ اهالی هلاک و باشقه ملی خوفسیزلیک‌نینگ2 ایشلاوچیسی و 2 تینچ اهالی یره‌لنگن.
سلام‌وطندارگه صحبت بیرگن ننگرهار حاکمی سوزلاوچیسی عطاالله خوگیانی، بو رقم‌نی تصدیق‌لب ایتیشیچه، بو واقعه بیر تیل پمپی یقینیده یوز بیرگن.
اونگه کوره، اوشبو واقعه یره‌دارلری 2 تینچ اهالی و ملی خوفسیزلیک‌نینگ 2 ایشلاوچیسی بولیب جلال‌آباد حوزه‌یی کسلخانه‌سیگه انتقال بیریلگن.
آتی سِر قالیشی‌نی ایسته‌گن ملی خوفسیزلیک ایشلاوچی‌لریدن بیری‌نینگ ایتیشیچه، اوشبو خودکش هجوم‌ده ملی خوفسیزلیک ایشلاوچی‌لریدن 2 ته‌سی شامل باشقه 9 کیشی هلاک ایتیلگن و جسدلری بوتونله‌ی یانگن.
اوشبو منبع گه کوره، شونینگدیک بو واقعه‌ده کوپینچه کیشی‌لر یره‌لنگن و هلاک ایتیلگن‌لرگه باله‌لر هم شامل دیر.
ایتیلیشیچه، واقعه یوز بیرگن محل گه یقین بیر موتر یووه‌دیگن ییرده 7 موتر یانگن و شونینگدیک، نیچه دوکان واقعه نتیجه‌سیده اوتگه یانگن؛ بو رقم‌لر حاضرگچه رسمی شکلده تصدیق بولمه‌گن.
اوشبو واقعه‌نی عینی گواه‌لری‌نینگ ایتیشیچه، واقعه یوز بیرگن محل گه یقین تیل پمپی هم اوتگه یانگن و مالی زیان یانیده، جانی قربانلیگی هم بولیشی ممکن.
یوز بیرگن واقعه مسؤولیتی‌نی حاضرگچه هیچ بیر کیشی یا-ده گروه بوینیگه آلمه‌گن.
