ننگرهار رسمی‌لری‌نینگ اعلام قیلیشیچه، بوگون چهارشنبه توشدن کیین ساعت 1:30 اطرافیده جلال آباد شهری نینگ 3- حوزه‌سیده‌گی برقی کیم‌لیک ترقته‌دیگن مرکزده بیر خودکش هجوم یوز بیردی.
ننگرهار عامه ساغلیک ریاستی مسئوللری نینگ ایتیشیچه، مذکور حادثه‌ده عیاللر و باله‌لر شامل 10 کیشی یره‌لنگن.
ننگرهار حاکمی سوزلاوچیسی عطاالله خوگیانی نینگ ایتیشیچه، بیرینچی‌ده بیر خودکش هجومچی اوزینی مذکور مرکز برابریده پارتله‌تگن و باشقه نیچه هجومچی بنا ایچیده کیرگن.
اونینگ کوپه‌یتیریشیچه، مذکور حادثه تلفاتی و ضررلری توغریسیده حاضرگچه توغری خبر قولگه کیلمه‌گن.
حادثه مسئولیتی نی حاضرگچه بیرار گروه بوینیگه آلمه‌گن.
ننگرهار حاکمی سوزلاوچیسی گه کوره، امنیتی کوچلر حاضر محل‌ده یتیشگن.
حادثه شاهدلری نینگ ایتیشیچه، امنیتی کوچلر حادثه محلی نی باغله‌گن.
