د دوشنبې پر مازیګر پاوباندې ۶ بجې د ننګرهار کوټ ولسوالۍ کې د ولسي پاڅونوالو د مشر حیاتخان پر موټر، موټربم چاودنه کړې چې له امله یې خپله حیاتخان له درېیوو ساتونکیو سره یو ځای ووژل شو.
د ننګرهار د والي ویاند عطاالله خوږیاڼي د پېښې پخلی کړی او زیاته کړې یې ده چې پهدې پېښه کې چې په وژل شویو کسانو کې یې دوه خوریان او یو بل نږدې خپلوان دی.
د ده په خبره، په ټپیانو کې یې یو هم زوی دی.
پېښه د روداتو ولسوالۍ کابل کمپ سیمه کې د تېلو یوه پمپ سټېش ته څېرمه شوېده.
ښاغلي خوږیاڼي زیاته کړه ، ځانمرګي بریدګر خپل ډاینا ډوله موټر د حاجي حیاتخان مومند له موټر سره جنګولی دی او چاودنه یې کړېده.
دی همدارنګه وايي، دا لومړي جزیات دي او ښایي بدلون پهکې راشي.
حیاتخان کوټ ولسوالۍ کې د داعش خلاف د ولسي پاڅونوالو مشري کوله او له یادې ډلې سره یې ډېرې جګړې کړېدي.
حیاتخان اوس له ننګرهاره ولسي جرګې ته هم نوماند و.
کابل کمپ سیمه کې د دې پیښې عیني شاهدان وایي، تر چاودنې وروسته سیمه کې موټرو اور اخېستی او د ملکي تلفاتو وېره هم شته.
تر اوسه د دې پیښې کومې وسلهوالې ډلې نهدی منلی.
