بوگون "شنبه" نماینده لرکینگشی سیدجمالدین دارلمعلمین‌نینگ اوقیتووچیلری تحصن قیلیش خصوصیده معلومات بیریش اوچون عالی اوقوویورت‌لر و معارف وزیرلیگی رسمی‌لرینی چقیرگن.
نماینده لرکینگشی اعضالری‌نینگ ایتیشیچه، سیدجمالدین دارلمعلمین‌نینگ قینچیلیگی نی حل قیلیش اوچون بیر یول تاپیش کیرک.
نماینده لرکینگشی اعضاسی عبدالقادر زازی وطن‌دوست‌نینگ ایتیشیچه، اوقووچیلرنی درس صنف‌لریگه حاضر ایتیلیشی اوچون تحصن خیمه‌نینگ کوتاریلیشی کیرک.
او، ایکی تامان و پارلمان نماینده لری‌نینگ مذکور قینچیلیک که قانونی حل یول تاپیش اوچون بیر طرح توزه‌تییب نماینده لرکینگشی ده یوباریشی لازم.
عالی اوقوویورت لر وزیری نجیب الله خواجه عمری‌نینگ ایتیشیچه، حاضرگی شرایط ده سیدجمالدین دارلمعلمین‌نینگ اوقوویورت‌گه ارتقا قیلیش نیاز ایمس.
عالی اوقوویورت‌لر وزیری‌گه کوره، هر ییل ده 17 مینگ اوقووچی مملکت معلم ترغیب‌لش مرکزلریدن فارغ بوله‌دی. اولردن یالغیز 10 منیگ ته‌سی معارف وزیرلیگی‌ده جذب ایتیله‌دی.
جناب خواجه عمری گه کوره، کابل ده سیدجمالدین دارالمعلمینی اوقوویورت‌گه ارتقا قیلگن صورتده مملکت بوتون معلم ترغیب‌لش مرکزلر شونینگ‌دیک ایستک ارایه قیله‌دی.
عین‌حالده، نماینده لر کنیگشی باشلیغی عبدالرووف ابراهیمی، مذکور قینچیلیک‌لرنی حل قیلیش اوچون بیر کمیته تعیین قیلدی. مذکور کمیته عالی اوقویورت لر و معارف وزیریلیگی، جمهورلیک ریاستی و تحصن قیلگن اوقیتووچیلر هماهنگ‌لیگی ده بیر طرح اوستیگه ایشله‌ب نماینده لر کینگشی گه یوباره‌دی.
نماینده لرکینگشی باشلیغی، تحصن قیلگن اوقیتووچی لردن درس صنف لریگه باریشی نی سوره‌گن.
سیدجمالدین دارلمعلمین‌نینگ اوقیتووچیلری کمیده ایکی آی‌دن بویان اوشبو تحصلی نهادنی اوقوویورت‌گه ارتقا قیلیش خصوصیده تحصن قیلگن لر.
