نماینده‌لر کینگشی‌گه بیر آی آلدین تصدیق‌لنیشی اوچون یوباریلگن بودجه ریجه‌سی بوگون نماینده‌لر کینگشی‌نینگ عمومی ییغینیده آواز آلیش‌گه قوییلدی و کوپینچه آواز بیلن تصدیق‌لندی.
بو بیرینچی مرته کیم بودجه ریجه‌سی نماینده‌لر کینگشی تامانیدن رد ایتیلمه‌ی تصدیق‌لنه‌دی.
نماینده‌لر کینگشی‌نینگ مالی و بودجه کمیسیونی باشلیغی محمدعظیم محسنی، بودجه ریجه‌سی توغریسیده معلومات بیریش چاغیده ایتیشیچه، ینگی ایجاد ایتیلگن ایرکین اداره‌لرنی بودجه‌سی قانونی باسقیچ‌لری اوتکزیلگونگه‌قدر، سابق اداره‌لرگه بیریله‌دی.
شونینگدیک، اوتمیش‌لرده 10 اداره گه توللنه‌دیگن اُپراتیفی بودجه بو ریجه‌ده نماینده‌لر کینگشی اعضالری‌نینگ ایستک‌لری اساسیده، تورت اداره جمله‌دن ملی خوفسیزلیک کینگشی، مدافعه وزیرلیگی، ایچکی ایشلر وزیرلیگی و ملی خوفسیزلیک ریاستی اوچون نظرگه آلینگن.
مالیه وزیرلیگی، 1398- مالی ییل ملی بودجه ریجه‌سینی سنامجلسی‌نینگ مصلحتی و بحثی‌دن سونگ، تصدیق‌لنیشی اوچون قویاش جاری ییل‌نینگ قوس آیی‌نی 7 سیده نماینده‌لر کینگشی گه یوباردی.
شو توغریده…
افغانستان مالیه وزیرلیگی مالی بودجه تصدیق‌لنمه‌گنیدن خواطر بیلدیرگن
نماینده‌لر کینگشی 1396- ییل مالی بودجه‌نی تصدیق‌له‌دی
قانون اساسیده، نماینده‌لر کینگشی‌نینگ اعضالری، بودجه سقفی‌ده اوزگریش کیریته آلمه‌یدی؛ بیراق پروژه‌لر و حجت‌نی باشقه بولیم‌لری توغریسیده تکلیف بیره‌آله‌دی. نماینده‌لرگه کوره، بو ایش نماینده‌لر کینگشی اعضالری تامانیدن عمل‌گه آشیریلگن.
1398- مالی ییل ملی بودجه‌سی، کمیده 399 میلیارد افغانی بولگن و بو آره‌دن کمیده 275 میلیاردی عادی بودجه و باشقه کمیده 124 میلیاردی رواجلنتیریش پروژه‌لر اوچون نظرگه آلینگن.
ایتیش کیره‌ک کیم، 1398- ییل بودجه‌سیدن 49 فایزی ایچکی درآمد و باشقه 51 فایزی تشقی یاردملردن تأمین‌لنه‌دی.
