.jpg)
اوتگن کون «یکشنبه» ننگرهارنینگ جلال‌آباد شهریده یوز بیرگن خودکش هجوم‌ده هندولرنینگ بویوک‌لریدن بیرقطاری و جمله‌دن نماینده‌لر کینگشی سیلاوی اوچون اولرنینگ یالغیز نامزدی اوتارسینگ خالصه هلاک بولگن. بوگون نماینده‌لر کینگشی اعضالریدن بیرقطاری و مدنی فعاللر، هندولردن اوتارسینگ خالصه نینگ اورنی گه باشقه بیر کیشی‌نی تانیشتیریش‌لرینی طلب قیلگن.
اوتارسینگ اوزاق مدت هندولر و سیک‌لر جماعتی‌نی رهبرلیک قیلگن و نماینده‌لر کینگشی‌ده بیر چوکی‌نی قولگه کیریتیش اوچون مذکور جماعت‌نینگ یالغیز نامزدی ایدی.
نماینده‌لر کینگشی اعضالریدن بیری شکیبا هاشمی‌نینگ ایتیشیچه، افغانستان اوروشی‌ده ایریم قوم‌لر زیان کورگن و شونینگدیک، هندولر بو زیاندن قوری قالمه‌گن. خانم هاشمی، هندو و سیک‌لردن اوتارسینگ خالصه‌نینگ اورنی گه باشقه بیر کیشی‌نی نامزد قیلیشی‌نی سوره‌گن.
شونینگدیک، نماینده‌لر کینگشی‌ده هندولر و سیک‌لر اوچون بیر چوکی اختصاص بیریلیشی توغریسیده، هندولر و سیک‌لرنینگ دادخواهلیک‌لری جریانیده همراهلیک قیلگن مدنی فعال بسم‌الله رنجبرنینگ ایتیشیچه، حکومت و سیلاولر ایرکین کمیسیونی، هندو و سیک‌لر آره‌سیدن باشقه بیر کیشی‌نی اوتارسینگ تامانیدن ارایه ایتیلگن حجت و کیم‌لیک‌لر بیلن نماینده‌لر کینگشی سیلاوی گه نامزد قیلیشی لازم.
.jpg)
بیراق، بوگون جلال‌آباد ده هندولر اوز عبادتگاه‌لریده یولگه قویگن مراسم‌ده ایتیشیچه، حاضرگچه بو توغریده قرار آلمه‌گن‌لر.
هندولر سوزلاوچیسی گلجیت سینگ نینگ ایتیشیچه، اولر قربان بولگن‌لرنینگ جنازه مراسم‌لری یکونلنگنیدن سونگ، مملکت هندولری‌نینگ حضوریده، باشقه بیر نامزد تانیشتیریش توغریسیده قرار قیلیش‌لری ممکن.
شونینگدیک، بوگون وزیرلر کینگشی‌ده نطق سوزله‌گن مملکت اجراییه باشلیغی عبدالله عبدالله، اوتگن کون ننگرهار ولایتیده یوز بیرگن واقعه‌نی قتیق قاره‌لب و بو واقعه جنایت دیدی.
عین حالده، هند ایلچی‌خانه‌سی بیر اعلامیه صادر قیلیب و بو هجوم‌نی قتیق قاره‌لگن و شونینگدیک، هند باش وزیری نرندرا مودی، اوز تویتر صحیفه‌سیده یوز بیرگن هجوم‌نی قاره‌لگن.
اوتگن کون «یکشنبه» توشدن سونگ، جلال‌آباد شهریده یوز بیرگن خودکش هجوم‌ده 19 کیشی هلاک و باشقه 20 کیشی یره‌لندی. اوشبو واقعه‌ده هلاک ایتیلگن‌لردن 15 ته‌سی هندولر و سیک‌لرنینگ بویوک‌لری بولگن.
