نماینده‌لر کینگشی خاص بیر ییغینده، «شنبه کون، 28- سرطان» جمهور رئیس تامانیدن آچیلگن «ملی دسترخوان» برنامه‌سینی بوگون «سه‌شنبه، 31- سرطان» کوپینچه آواز بیلن رد قیلدی.
بوگون «سه‌شنبه، 31- سرطان» نماینده‌لر کینگشی نینگ ییغینیده مذکور کینگش نینگ مالی و بودجه کمیسیونی کاتبی سیدعظیم کبرزانی نینگ ایتیشیچه، «ملی دسترخوان» برنامه‌سی هیچ بیر بودجه‌وی بولیم، جمله دن مالیه وزیرلیگی نینگ بودجه‌وی بولیمی بیلن هماهنگ بولمه‌گن.
سیدعظیم کبرزانی نینگ کوپه‌یتیریشیچه، حکومت میدیالر آرقه‌لی ملی دسترخوان بودجه‌سینی 244 میلیون دالر اعلان قیلگن، بیراق مالیه وزیرلیگی نینگ گزارشی اساسیده، اوشبو برنامه نینگ خرجتی 280 میلیون دالر بولگن و 36 میلیون دالری انتقالات اوچون نظرگه آلینگن.
جناب اکبرزانی نینگ ایتیشیچه، حکومت اوشبو پولنی تالان قیلیش گه قصد قیلگن. او، بو برنامه نینگ رد ایتیلیش سببی‌نی تأثیرسیزلیگی دیب ایتیشیچه، نماینده‌لر کینگشی بو پول رواجلنتیریش پروژه‌لر اوچون صرفله‌نیشینی ایسته‌یدی.
نماینده‌لر کینگشی نینگ اعضاسی عبدالروف انعامی نینگ ایتیشیچه، ملی دسترخوان برنامه‌سی اوچون حکومت تامانیدن صرفله‌نیشی گه قرار قیلینگن پول رواجلنتیریش بودجه کم‌لیگی خصوصیده، دنیا بانکی نینگ مالی یاردمی بولگن. اونگه کوره، بو پول نیازمندلیک‌لر اساسیده، جمله دن مکتب، جاده و آست قوریلمه پروژه‌لر قوریلیشی گه خصوصیده صرفله‌نیش گه قرار قیلینگن ایدی.
شونینگدیک، اوتگن کون نماینده‌لر کینگشی نینگ اعضالریدن بیرقطاری، عمومی ییغینده مذکور برنامه نینگ یولگه قوییلیشی دن تنقید قیلیب و بو برنامه مصلحتسیز و نماینده‌لر کینگشی تامانیدن تصدیق قیلینمس دن یولگه قوییلگنینی ایتگن ایدی.
