نماینده‌لر کینگشی قوروقچی‌لری و اعضالری آره‌سیده یوز بیرگن بوگونکی فزیکی اوروش، نماینده‌لر کینگشی اعضالری گه قوروقچی‌لر تامانیدن تالارگه کیریش اوچون رخصت بیریلمه‌گن بیرچاغده یوز بیرگن.
سلام‌وطندارگه صحبت بیرگن نماینده‌لر کینگشی اعضالریدن بیری عبدالرووف انعامی نینگ ایتیشیچه، نماینده‌لر کینگشی نینگ ینگی باشلیغی میررحمان رحمانی، نماینده‌لر کینگشی اعضالرینی جریان گه قویمه‌ی ملی کینگش دبیرخانه‌سی گه بوگون عمومی ییغین یولگه قوییلمه‌سی و نماینده‌لرگه تالارگه کیریش اوچون رخصت بیریلمه‌سینی ایتگن ایکن.
اونگه کوره، بو ایش نماینده‌لرنینگ اچیغینی کیلتیریب و نماینده‌لر کینگشی قوروقچی‌لری بیلن اوروشگن‌لر و بو واقعه نتیجه‌سیده قوروقچی‌لردن 5 ته‌سی یره‌لنگن.
باشقه تاماندن، نماینده‌لر کینگشی اعضالریدن باشقه بیری عبدالقادر قلاتوال نینگ ایتیشیچه، نماینده‌لردن بیرقطاری، باشقه بیر باشلیغ تعیین ایتیلیشی اوچون نماینده‌لردن امضاء توپلش کمپاین یولگه قویگن‌لر و حاضرگچه قیته‌دن اداری هیأت سیلاوی یولگه قوییلیشی اوچون نماینده‌لر کینگشی نینگ حاضرگی باشلیغی میررحمان رحمانی نینگ طرفدارلری و مخالف‌لریدن 120 امضاء توپلنگن.
نماینده‌لر کینگشی اعضالریدن بیرقطاری نینگ ایتیشیچه، دستلب وقتینچه‌لیک بیر باشلیغ تعیین قیله‌دیلر و اوندن سونگ، ینگی باشلیغ تعیین ایتیلیشی اوچون آوازبیریش صندوقلری قوییله‌دی.
نماینده‌لر کینگشی اعضالری نینگ آره‌سیده یوز بیرگن جنجل «شنبه» کون نماینده‌لر کینگشی باشلیغی تعیین ایتیلیشی اوچون نماینده‌لر کینگشی نینگ ایچکی سیلاوینی ایکینچی دوریده میررحمان رحمانی 123 آواز قولگه کیریتیب و نماینده‌لر کینگشی نینگ وقتینچه‌لیک باشلیغی تامانیدن غالب اعلان قیلینگنیدن سونگ باشلندی.
شونینگدیک، نماینده‌لر کینگشی نینگ اوتگن کونگی ییغینی «شنبه» کونگی جنجل‌لر دوامی گه باشلندی و عین حالده، نماینده‌لر کینگشی اعضالریدن بیرقطاری، میررحمان رحمانی گه کینگش باشلیغی صفتیده ایشی‌نی دوام بیریش گه رخصت بیرمه‌گن و شو یوزه‌دن ییغین بوزیلدی.
اوتگن کون اوشبو جنجل‌لر حل ایتیلیشی اوچون 10 کیشی‌لیک بیر کمیته ایجاد ایتیلدی، بیراق بوگون باشقه 17 کیشی مذکور کمیته ده کوپه‌یتیریلدی و بو کمیته اعضالری تیکشیروولر نتیجه‌سینی عمومی ییغینده بیان قیله‌دی و کینگش اونگه اساس سونگی قرارینی اعلان قیلیشی ممکن. بیراق نماینده‌لردن بیرقطاری نینگ ایتیشیچه، بو کمیته‌نی رسمیت گه تانیمه‌ی و قرارینی هم قبول قیلمه‌یدیلر.
شو توغریده…
نماینده‌لر کینگشی ریاستی اوستیگه بولگن جنجل حل ایتیلیشی اوچون هیأت تعیین ایتیلدی
