.jpg)
بوگون «شنبه» نماینده‌لر کینگشی‌نینگ عمومی ییغینیده کینگش باشلیغی عبدالرؤوف ابراهیمی‌نینگ ایتیشیچه، قوراللی طالب‌لر مسکو تینچلیک ییغینیدن کوپراق امتیاز قولگه کیریتیش اوچون مملکت شمالی ولایت‌لری، ارزگان ولایتی‌نینگ ارزگان‌خاص تومنی و غزنی ولایتی‌نینگ مالستان و جاغوری تومن‌لری اوستیگه هجوملرینی شدتلنتیرگن.
جناب ابراهیمی گه کوره، قوراللی طالب‌لر عصری حربی جهازلرگه قول تاپگن‌لر و بونده‌ی شرایط‌ده چیت‌ایللیک کوچلر افغانستان امنیتی کوچلریگه ایلگریدن کوره کوپراق یاردم بیریشی کیره‌ک.
نماینده‌لر کینگشی باشلیغینینگ ایتیشیچه، یشاوچیلر خوفسیزلیگینی تامینلش خصوصیده حکومت‌نینگ دقت سیزلیگی اهالی و امنیتی کوچلر آرهسیده فاصله ایجاد قیلگن.
نماینده‌لر کینگشی اعضالریدن بیرقطاری، طالب‌لر جنایتی برابریده حکومت‌نینگ دقت سیزلیگی‌دن تنقید قیلیب و طالبان گروهیگه قرشی هوایی هجوم یولگه قویلیشینی ایستهیدیلر.
 - Copy 1.jpg)
نماینده‌لر کینگشی اعضالریدن احمد بهزاد و عبدالقیوم سجادینینگ ایتیشیچه، حکومت، امنیتی و دفاعی نهادلر دقت قیلمهگن صورتده، اوشبو ایکی تومنده انسانی فاجعه یوز بیریشی ممکن. اولرنینگ ایتیشیچه، غزنی و ارزگان ولایت‌لری یشاوچیلریدن مینگلرچهسی بدرغه بولگن.
طالبان گروهی غزنی ولایتی‌نینگ جاغوری تومنیده هجوم قیلگندن سونگ بوگون "شنبه" یرتهلب مذکور ولایت مالستان تومنیده هم هجوم قیلگنلر. عینحالده، کابل یشاوچیلریدن بیرقطاری مملکت باشکنتیده ناراضلیک نمایش یولگه قوییب حکومت و امنیتی نهادلردن طالبان گروهیگه قرشی حرکت قیلیشینی سورهگنلر.
