اوتگن هفته ژنو ییغینیده نطق سوزلهگن مملکت جمهور رئیسی محمداشرف غنی، طالبلر بیلن تینچلیک سوزلشوولری آلغه آلیب باریلیشی توغریسیده 12 کیشیلیک بیر هیأت تعیین ایتیلگنینی اعلان قیلگنیدن سونگ، نمایندهلر کینگشی اعضالریدن بیرقطاری، جمهور رئیسنینگ بو قراریگه عکسالعمل بیلدیرگنلر.
نمایندهلر کینگشینینگ بوگونکی ییغینیده نمایندهلر کینگشی اعضاسی نفیسه عظیمی، طالبلر بیلن تینچلیک سوزلشوولرینی آلغه آلیب باریش گروه اعضالرینی دولتی بیلیب ایتیشیچه، تانیشتیریلگن کیشیلرنینگ اهالی آرهسیده اجتماعی اورنی و قرارگاهی یوق دیر.
خانم عظیمینینگ ایتیشیچه، جمهور رئیس بو توغریده قیته تیکلهشی کیرهک.
شونینگدیک، نمایندهلر کینگشی اعضالریدن باشقه بیری جعفر مهدوی، طالبلر بیلن تینچلیک سوزلشوولرینی آلغه آلیب باریش هیأت تعیین ایتیلگنیدن تنقید قیلیب ایتیشیچه، حکومت بو کیشیلرنی تانیشتیریب تینچلیک جریانینی آلغه آلیب باریشده هیچقندهی اراده و انگیزهسی یوقلیگینی کورستگن.
اونگه کوره، مذکور هیأت اعضالریدن 90% تجربهسیز، صلاحیت سیز بولیب و اجتماعی اورینلری یوق دیر.
نمایندهلر کینگشینینگ اوشبو اعضالرینی اورغولشیچه، افغانستانده کوپلب برجسته سیمالر موجود و اهالی آرهسیده اجتماعی اورین گه ایگه بولگنلر و شونینگدیک، قوللری خلقنینگ قانی گه باتمهگن و طالبلر هم اولرنی افغانستاننینگ توغری و صلاحیتلی نمایندهلری صفتیده قبول قیلهدی.
شو توغریده…
ژنو ییغینی؛ حساب بیریش و وعدهلرنی ینگیلشتیریش
ژنو ییغینی؛ بیرلشگن ملتلر تشکیلاتینی اورین باسری: افغانستانگه قیلهدیگن یاردملریمیزنی کوپهیتیرهمیز
ژنو ییغینی؛ افغانستاننینگ تعلیم تیزیمیده اقتصادی ثمره کورینمهیدی
ژنو ییغینی؛ افغانستان یوتوقلرگه قرهمهی حاضر هم فسادگه قرشی کورهشهدی
ایتیلیشیچه، تینچلیک سوزلشوولرینی آلغه آلیب باریش هیأتنینگ 12 کیشیلیک اعضالری، جمهور رئیس دفترینینگ باشلیغی عبدالسلام رحیمی، معارف وزیرلیگینی سرپرستی محمد میرویس بلخی، مدنیت و معلومات وزیرلیگینی سرپرستی حسینه صافی، عالی اوقوو وزیرلیگینی اورین باسری عبدالتواب بالاکرزی، مهاجرلر و قاچقینلر وزیرلیگینی اورین باسری عالمه، ملی خوفسیزلیک عمومی ریاستینی اورین باسری عبادالله عباد، پکتیا حاکمی شمیم خان کتوازی، عالی محکمه اعضاسی عبدالله عطایی، تشقی ایشلر وزیرلیگینینگ مدنیت ریاستی باشلیغی توریالی غیاثی و حج و اوقاف وزیرلیگینی اورین باسری عبدالحکیم منیب لردن عبارت بولگن.
دیمک، اوشبو رویخط اوزگریشی ممکن.
