نماینده‌لر کینگشی نینگ مالی و بودجه‌وی کمیسیونی اعضالری نینگ ایتیشیچه، حکومت نینگ درآمدی تعیین ایتیلگن هدفدن 20 میلیارد افغانی آز دیر و بو موضوع مملکتده مالی قیین‌چیلیک‌که سبب بولیشی ممکن.
نماینده‌لر کینگشی نینگ مالی و بودجه‌وی کمیسیونی اعضاسی صدیق‌احمد عثمانی نینگ ایتیشیچه، جاری مالی ییلده حکومت تامانیدن 209 میلیارد افغانی درآمد هدف تعیین ایتیلگن ایدی، بیراق درآمدلر تعیین ایتیلگن هدفدن 20 میلیارد افغانی آز دیر و اوشبو موضوع بیرقطار خواطرلرنی اورتگه چیقارگن.
عین‌حالده، مالیه وزیرلیگی مسووللری، مالی قیین‌چیلیک یوز بیریشی خصوصیده نماینده‌لر کینگشی خواطرینی ناتوغری عنوان قیله‌دیلر.
مالیه وزیرلیگی سوزلاوچیسی شمروزخان مسجدی نینگ سلام‌وطندارگه ایتیشیچه، جاری مالی ییل اداغیگچه بیر آی زمان بار و اوشبو وزارت قالگن زمانده تعیین قیلگن هدف‌گه قول تاپه آله‌دی.
جناب مسجدی گه کوره، شرکت‌لرده جاری هفته اداغیگچه چک‌لرینی وزارت‌گه تاپشیریب و بوتون حساب‌لرینی تازه‌لش اوچون زمان بیریلگن.
نماینده‌لر کینگشی نینگ عمومی ییغینیده جاری مالی ییل نینگ قطعیه‌سی خصوصیده بحث قیلینگن و مربوط بولگن کمیسیون نینگ گزارشیگه کوره، بو بولیم‌ده کوپینچه قیین‌چیلیک موجود دیر.
اوشبو گزارشده مالیه وزیرلیگی و باشقه بیرقطار بودجه‌گه شامل بولگن واحدلر قانون‌دن قاچیش‌گه عیب‌لنگن.
