بوگون "شنبه" نماینده‌لر کینگشی اعضالری سوو و برق وزیرلیگی‌نینگ سرپرستی، معارف و کانلر وزیرلیگی‌نینگ اورین باسرلرینی 1396- ییل کینگی‌تیریش بودجه‌سیدن 60% نی صرفلنمه‌گنی خصوصیده معلومات بیریش اوچون نماینده‌لر کینگشیده چقیرگن.
معارف وزیرلیگی‌نینگ مالی و اداری اورین باسری سیدحمیدالله نینگ ایتیشیچه، ناتینچلیک، حمایت قیلووچیلر تامانیدن وعده بیریلگن پوللر تیزلیک‌که توللنمه‌گنی، سودا ساتیق قیین‌چیلیک‌لر و شرکت‌لرنینگ کوچ‌سیزلیگی سبب، کینگی‌تیریش بودجه کم صرفلنگن.
اونینگ ایتیشیچه، اوتگن ییلده معارف وزیرلیگی‌نینگ بودجه‌سی 183 میلیون دالر ایدی و اوشبو ارقام‌دن 42% صرفلنگن ایدی و باشقه 29 میلیونی ایریم دلیل‌لر باعث صرفلنمه‌گن.
عین‌حالده، سوو و برق وزیرلیگی‌نینگ سرپرستی محمدگل خلمی نینگ ایتیشیچه، ناتینچلیک و تخنیکی لحاظ‌دن تیار بولمه‌گن پروژه‌لرنینگ سوو و برق وزیرلیگی لایحه‌سیگه شامل بولگنی سبب، اوشبو وزارت بودجه‌سی ایترلیچه صرفلنمه‌گن.
پترولیم و کانلر وزیرلیگی‌نینگ مالی و اداری اورین باسری سیدمحب الله ربانی گه کوره، تدارکاتده قیین‌چیلیک بولگنی و تخنیکی پروژه‌لرنینگ پیچیده بولگنی سبب، بو وزارت کینگی‌تیریش بودجه‌سیدن 13.3 میلیون دالر صرفلنمه‌گن .
نماینده‌لر کینگشی باشلیغی عبدالرووف ابراهیمی‌نینگ کینگی‌تیریش بودجه صرف لنمه‌گنی‌دن تنقید قیلیب ایتیشیچه، ظرفیت‌سیزلیک چکه سیده، معیاری شرکت‌لرنی انتخاب قیلیش‌گه دقت‌سیزلیک صورت تاپگن.
نماینده‌لر کینگشی اعضالری‌نینگ ایتیشیچه، اداره‌لرگه بیللی لایحه بولمه‌گنی، بودجه‌نی اجرا قیلیش خصوصیده اداره‌لرنینگ ظرفیت‌سیزلیگی، پروژه‌لرنی کنترول قیلیش مدیریتی یوق‌لیگی، فساد و زوره‌وان کیشی‌لرنینگ دخالتی سبب کینگی‌تیریش بودجه صرف لنمه‌گن.
