نماینده‌لر کینگشی اعضالریدن بیرقطاری، قیصاری‌نینگ قوروقچی‌لری برابریده امنیتی کوچلرنینگ حرکتی‌نی دهشت‌لی قیناق، انسانیت‌دن اوزاق و ظالم‌لیک بیلیب و اونی انسان حقلری قانونی گه قرشی دیگن‌لر. اولرنینگ ایتیشیچه، حکومت رهبرلری بونده‌ی قرار بیلن ملی خوفسیزلیک و ملی حربی آبروسینی مسخره قیلگن.
بیراق، نماینده‌لر کینگشی اعضالریدن باشقه بیرقطاری، قیصاری‌نینگ قوروقچی‌لری برابریده امنیتی کوچلرنینگ حرکتی‌نی خوش قرشی‌لب ایتیشیچه، حکومت برچه ناقانونی قوراللی کیشی‌لرنینگ برابریده شونده‌ی ایش قیلیشی کیره‌ک.
کمیده 12 کون آلدین، جمهور رئیس بیرینچی اورین باسری جنرال عبدالرشید دوستم‌نینگ خاص نماینده‌سی و فاریاب ولایتی‌نینگ قیصار تومنی‌نی خوفسیزلیک قومندانی نظام‌الدین قیصاری، امنیتی کوچلر تامانیدن توتقونگه آلینیب و کیچه کابل گه انتقال بیریلدی.
نظام‌الدین قیصاری‌نینگ توتقونگه آلینیش دلیلی حاضرگچه آچیقلنمه‌گن؛ بیراق مملکت دفاعی و امنیتی رسمی‌لریدن بیرقطاری، او توتقونگه آلینگن زمانی‌نی بیرینچی ساعت‌لریده، زوره‌وانلیک، حربی کوچی‌دن سوء استعمال قیلیشی و باشقه نیچه مسئله باعث، توتقونگه آلینگن دیدی.
نظام‌الدین قیصاری توتقونگه آلینگنیدن سونگ، جنرال دوستم‌نینگ طرفدارلری فاریاب، تخار، جوزجان، سرپل، بغلان، بدخشان، بامیان، بلخ و هرات ولایت‌لریده ناراضیلیک نمایش یولگه قوییب و قیصاری قوییب یوباریلیشی‌نی طلب قیلگن‌لر.
بیراق، قیصاری توتقونگه آلینگنیدن 11 کون اوتگنیدن سونگ، اجتماعی ترماقلرده بیر ویدیو ترقه‌تیلدی و بو ویدیو قیصاری‌نینگ قوروقچی‌لری برابریده امنیتی کوچلرنینگ نامناسب حرکتی‌نی کورستدی. اوشبو ویدیو ترقه‌تیلیشی اجتماعی ترماقلرگه قوشیمچه، اهالی و نماینده‌لر کینگشی‌نینگ اعضالری آره‌سیده بحث گه آلیب و جدی عکس‌العمل‌لرگه سبب بولدی.
نماینده‌لر کینگشی اعضالریدن بیرقطاری‌نینگ ایتیشیچه، حکومت ناقانونی قوراللی کیشی‌لرنینگ قولگه آلیش‌نی بهانه قیلیب سیاسی مخالف‌لری برابریده حربی و امنیتی کوچلردن فایده‌لنه‌دی.
اولرنینگ ایتیشیچه، بو توغریده امنیتی کوچلرنینگ حرکت‌لری کیچیریلمس دیر و شونینگدیک، طالب‌لر و داعش گروهی‌نینگ حرکت‌لری کیچیریلمه‌یدی.
اوشبو نماینده‌لرگه کوره، یالغیز بیر آی جریانیده کابل شهریده 50 قتل یوز بیرگن و بو قتل‌لرنی برچه‌سی گه پولیس‌نی قولی بار؛ لیکن کیم‌سه اولردن بیر نرسه سوره‌مه‌یدی.
عین حالده، نماینده‌لر کینگشی اعضالری، قیصاری قنده‌ی بیر شکلده توتقونگه آلینگنی و اونینگ قوروقچی‌لری برابریده بولگن حرکت‌لر تیکشیریلیشی اوچون بیر هیأت تعیین ایتیلیشی اوستیگه تأکید قیلگن‌لر.
نماینده‌لر کینگشی اعضالری‌نینگ ایسته‌گی اساس کینگش باشلیغی عبدالرؤوف ابراهیمی‌نینگ ایتیشیچه، اوچ کمیسیوندن بیر هیأت تشکیل ایتیلیب محل گه باره‌دی و هر تامانلمه تیکشیروولریدن سونگ، گزارش‌لرینی نماینده‌لر کینگشی اعضالری بیلن شریک قیله‌دی.
