.jpg)
اسد آیی‌نینگ ایکینچی کونی یاروغلیک حرکتی نمایشچی‌لری انتحاری هجوم آستیگه آلیندی. هنوزگچه کمیده 80 حیاتدن کوز یومگن و اینگ آز 230 کیشی آغیر یینگیل یره‌لنگن لیگی ایتیله‌دی. هجوم مسوولتینی داعش (اسلام حرکت) گروهی اوز ذمه سیگه آلگن.
نمایشچلرگه قرشی هجوم اوچ انتحارچی تامانیدن صادر ایتیلگن. ایتیلیشیچه بیرینچی خودکش اوزینچی کوپچیلیک ایچیده پارتله‌تیب یوبارگن بولسه – ده ایکینچی‌سی اده‌شیب پارتلب هلاک بولگن و اوچینچی‌سی ملی پولیس تامانیدن آتیب اولدیریلگن.
اعتراضچیلر کابل نینگ دهمزنگ منطقه‌سیده توپلنگن ایدیلر. پارتلش نمایشچی‌لر تامانیدن خیمه تیکلنگن بیر پیتده ساعت 14:30 دقیقه ده صادر ایتیلدی.
افغانستان ساغلیقنی سقلش وزیرلیگی‌نینگ سوزلاوچی‌سی محمداسماعیل کاووسی‌نینگ سلام‌وطندارگه ایتیشیچه، قربانلر سانی آشیشی ممکن.
.jpg)
واقعه مسوولیتینی اوز ذمه‌سیگه آلگن داعش، ایکی خودکش هجومیچی نمایشچی‌لر "شیعه مذهبلی هزاره‌لر ایچیده پارتله‌تیب یوباریلگن لیگینی اعتراف قیلگن. طالب لر بیر بیانات ترقه‌تیب، حادثه‌نی جدی قاره له‌گن‌لر.
اعتراضچیلر ترکمنستاندن افغانستانگه آلیب کیلینه‌دیگن برق لایحه‌سی سالنگ‌لر یولی بیلن ایمس، مرکزی ولایت‌لر یعنی بامیان و میدان وردک ولایتی بیلن آلیب اوتیلیشی‌گه طرفدارلر.
یاروغلیک حرکتی جمعه کونی بیر بیانات ترقه‌تیب، بو توغریده حکومت بیلن آلیب باریلگن مذاکره ایجابی نتیجه بیرمه‌دی، شو باعث شنبه کون ییریک نمایش اوتکزیش نی بیلدیرگن‌لر.
حادثه‌دن کیین اخبارات واسطه لریده کوریگن جمهور رییس غنی، هجوم قنده‌ی بولیب صادر ایتیلگن لیگی تیکشیریلشی اوچون باش قره‌لاوچیلیک اداره‌سی نی وظیفه لنتیردی.
عین حالده، حکومت اجراییه ریاستی‌نینگ باشلیغی عبدالله‌عبدالله هم حادثه‌نی قتیق قاره‌لب، حکومت بار کوچی بیلن واقعه عامللرینی قولگه آلیش اوچون سعی وحرکت قیله دیدی.
شونینگ‌دیک ناتونینگ افغانستانده‌گی عمومی قوماندانی جان نیکلسون هم حادثه‌نی قاره‌لب، بونی افغانستان خلقی دشمنی نینگ ایشی دیگن.
