بوگون "چهارشنبه" فاریاب ولایتی قیصار تومنی‌نینگ قطار یشاوچی‌لری کابل ده بیر ناراضلیک نمایش یولگه قویب نظام‌الدین قیصاری و اونینگ قورقچی‌لرینی قوییب یوباریلیشی نی سوره‌گنلر.
حکومت تامانیدن قولگه آلینگن‌لر‌نینگ عایله اعضالری هم ناراض قیلگنلرگه شامل بولیب کمیده 24 کوندن بویان فرزندلری سرنوشتی دن خبرلری یوق‌لیگی نی بیلدیریب و حکومت دن بو توغریده جواب قیته‌ریشی نی ایسته‌گنلر.
ناراضچی‌لرنینگ آگاه‌لنتیریب ایتیشیچه، حکومت اولرنینگ ایسته‌کلریگه مثبت جواب قیترمه‌گن صورتده نارضلیک‌لریگه دوام بیریب قتناو یول‌لرنی یاپیب قویش‌لری ممکن دیر.
بو توغریده مملکت باشقرلاوچیلیک اداره فکرینی آلیش اوچون سعی و حرکت قیلدیک، بیراق اولر دواملی تماس لریمیز گه جواب قیترمه‌دیلر.
فاریاب ولایتی قیصار تومنی‌نینگ پولیس قومندانی و جمهور رییس بیرینچی اورین باسری‌نینگ فاریاب ولایتیده‌گی حربی نماینده‌سی نظام‌الدین قیصاری قورقچی‌لری بیلن بیرلیککه کمیده 24 کون آلدن حکومت تامانیدن قولگه آلینیب و قورقچی‌لریگه قرشی یمان یول باریش‌لیکلر فاریاب یشاوچی‌لری و اجتماعی ترماقلر فعال‌لری‌نینگ قرشیلیگی بیلن دوچ کیلگن.
